Bakıda “Al Market”in Əhmədlidəki filialından “Badamlı” qazsız suyunu alan müştəri açanda başqa dadla qarşılaşıb. Reportyor.info xəbər verir ki, Nərmin Adil adlı istehlakçı qeyd edir ki, suyu içəndə spirt kimi sərt bir dad hiss edib, ağzını, boğazını, mədəsini yandırıb.
Onun sözlərinə görə, bu zaman qonşular harayına gəlib və su veriblər. Müştəri marketə qayıdıb və oradan bildirilib ki, yanlışlıq olub, firma dezinfeksiya məhlulu göndərib, satıcılar səhvən su bilərək vitrinə yerləşdiriblər.
N.Adilin sözlərinə görə, market rəhbərliyi məsələni ciddiyə almayıb və bir saat sonra özündə nəfəs darlığı hiss etməyə başlayıb. Dərhal təcili tibbi yardım və polis çağırılıb. Vətəndaş “Semaşko”dakı toksikologya şöbəsinə aparılıb.
“Dünəndən vəziyyətim ağırdır. Ekspertiza və qan analizi qanımda “Metil” spirti aşkarladı. Bu səhlənkarlıq bir də təkrarlanmasın deyə ictimailəşdirdim. Və nə “Al market” üzrxahlıq edib, nə də zəng edərək vəziyyətimlə maraqlanıb. Artıq şikayətimiz polisdədir. Onların ucbatından 8 aylıq südəmər körpəmi ağlaya-ağlaya tək buraxıb xəstəxanada yatıram. O maddə səbəbindən mədəmdə və sinir sistemimdə problem yaranıb, ölümlə üzbəüzəm.
