Məcburi köçkün ailəsi Azərbaybaycan Respublikasının Birinci Virse Prezidenti Mehriban Əliyevaya video müraciət etdi.
Qarşıdan prezident seçkiləri gəlir.Dövlətçiliyimiz əleyhinə tək xarici qüvvələr deyil, bəzi hallarda əyalətlərimizdə olan məmurlar tərəfindən də təxribatlara səbəb ola biləcək yarıtmaz iş fəaliyyətlərinə rast gəlmək olur. Ölkə rəhbərinin vətəndaşların sosial rifahının yaxşılaşdırması məqsədilə son zamanlar daha çox imzaladığı sərəncamlardan biri də vətəndaşların sosial sığorta borclarının silinməsidi.
İnsafən, Əmək və Əhalinin Sosial Müdafiəsi naziri Cənab Səlim Müslümov da vətəndaşlara süni əngəllər yaratmaqla, süründürməçiliyə salınması hallarına qarşı mübarizə aparması da sirr deyil. Ancaq cənab nazirin bu fəaliyyətinə dəstək vermək yerinə, nazirə yaxınlığı ilə daha çox seçilən Ağdam ƏƏSMM-nin direktoru Əvəz Sadıqovun və əməkdaşlarının aşağıda konkret faktlarla qeyd edəcəyimiz bu qeyri-qanuni hərəkətləri başadüşülən deyil. Ağdam rayonunun İsmayılbəyli kəndindən məcburi köçkün kimi Quzanlı qəsəbəsində məskunlaşmış Cəfərov Babək Yediyar oğlu ünvanlı sosial yardım almaq üçün Ağdam Rayon Sosial Müdafiə Fonduna müraciət edir. Sosial yardım almaları müqabilində istədikləri rüşvəti verməmələri səbəbindən süni əngəllər ortaya çıxarıblar. Fondun əməkdaşları onları çox süründürməçiliyə saldıqdan sonra vətəndaşın sosil müdafiə fonduna heç bir borcu olmadığı halda məktub hazırlayaraq yalan borc ortaya çıxarıblar. Bu da rüşvətalmanın yeni rəsmi metodudur.
Əgər vətəndaşın Sosial Müdafiəsi Nazirliyinin sistemində borcu olmadığı halda ortaya yalan borc çıxarılmaqla, hələ də bu olmayan borca gorə, möhürlənərək imzalanmış rəsmi arayış təqdim edilirsə, deməli bu, tək bu fakt deyil, digər süni əngəllər yaratdıqları vətəndaşlara qarşı da bu cür arayışlar təqdim edilməklə maliyyə fırıldaqlarına yol verirlər(?). 18 mart 2018-ci il tarixli, 168 nömrəli DSMF-nun müdiri Ə.Ə.Sadıqovun imzalaharaq möhürlədiyi həmin rəsmi məktubunda qeyd edilir:
Məcburi dövlət sığorta haqları və ona tətbiq olunmuş maliyyə sanksiyalarının ödənilməsinə dair BİLDİRİŞ Cəfərov Babək Yadiyar oğlu (DSMF-da qeydiyyat nömrəsi-SNQ. 90320040312, VÖEN 3200515702) bildiririk ki, sizin 01 mart 2018-ci il tarixə məcburi dövlət sığorta haqları üzrə 386.70 manat tətbiq olunmuş maliyyə sanksiyası(və ya inzibati cərimə üzrə); Peniya 139.21 manat borcunuz yaranmışdır. Cəmi borcunuz: 525.91 manat.
Məcburi dövlət sosial sığorta haqları üzrə borcların ödənilməsinə görə qanunvericilikdə ciddi məsuliyyət tədbirləri müəyyən edildiyi, habelə borcların ödənilməsinə görə hər gecikdirilmiş gün üçün sığorta haqlarının 0,1 faizi məbləğində peniyanın hesablandığı nəzərə alınaraq borclarınızı və borclarınızın ödənildiyi günədək hesablanmış peniya məbləğini təcili olaraq ödəməyiniz sizə təklif edilir. Sosial sığorta haqqında Azərbaycan Respublikası Qanununun 14-cü maddəsinə əsaslanaraq bildiririk ki, 5(beş) iş günü müddətinə göstərilən borclar ödənilməzsə, həmin vəsaitin məcburi alınması məqsədilə banklarda və digər kredit təşkilatlarında olan hesablaşma, valyuta və digər hesablarınıza icra sənədi olan Sərəncam qoyulacaq və qanunvericilikdə nəzərdə tutulmuş digər tədbirlər görüləcəkdir.
Eyni məzmunlu digər məktub -Əlavə №1, vətəndaşın həyat yoldaşı Cəfərova Mətanət Novruz qızına da Ağdam DSMF tərəfindən göndərilib. M.Cəfərovanın DSMF-da olan qeydiyyat nömrəsi(SQN): 90320065315; VÖEN : 3200795882; 187.20 manat tətbiq olunmuş maliyyə sanksiyası(və ya inzibati cərimə) üzrə peniya; 33.69 manat borc, cəmi borc; 220.89 .
Yuxarıda qeyd edilənlərlə bağlı əməkdaşımızla söhbət edən şikayətçilərlə birgə bu sahə üzrə özəl olaraq sosial iqtisadi məsələlər üzrə ekspert dəvət olundu, apardığımız araşdırmaların nəticəsində vətəndaşın sosial müdafiə fonduna ümumiyyətlə borcu olmaması aşkar olundu. Belə ki, Azərbaycan Respublikası Əmək və Əhalinin Sosial Müdafiəsi Nazirliyinin rəsmi internet portalı vasitəsi ilə baxarkən məlum oldu ki, həm Babəkin, həm də Mətanət Cəfərovanın adlarının qarşısında olan borc “0”-dır. Bəs görəsən Ağdam Sosial Müdafiə Fondunun müdiri Əvəz Sadıqov bu olmayan sığorta borcuna görə, düzməcə və saxta rəqəmlər yazılan məktubu imzalayıb, möhür vurarkən qanun qarşısında cavab verəcəyini düşünübmü?
Bununla yanaşı, Əmək və Əhalinin Sosial Müdafiəsi Nazirliyinin Agdam Rayon Sosial Müdafiə Şöbəsinin digər bir özbaşınalığının da üstünü açdıq. Yuxarıda bəhs olunan şikayətçilərin ünvanlı sosial yardım almaq məqsədilə nazirliyə etdikləri online müraciətdən sonra guya Ağdam DSMF-nun əməkdaşları tərəfindən vətəndaşın evinə baxış keçirilmiş və onun əvəzindən özləri tərəfindən imza edilməklə nazirliyə yollanılıb. Verilən cavab isə daha da bir növbəti qanunsuzluğun təzahüridir. Belə ki, vətəndaşa ünvanlı sosial yardım almaq üçün müraciətinə verilmiş imtinaya dair cavabda guya ailə üzvünün məşğulluğunun öz təsdiqini tapmamasıdır. Bununla bağlı da pardığımız araşdırmalar nəticəsində məlum olmuşdur ki, Əmək və Əhalinin Sosial Müdafiəsi Nazirliyinin vətəndaşa yolladığı online cavabı həqiqəti əksetdirmir. Belə ki, Vergilər Nazirliyinin portalına baxarkən məlum oldu ki, Babək və həyat yoldaşı Mətanət Cəfərovların hər ikisi də digər fəaliyyətlərlə məşğul olmuş və buna görə də dövlətə vergi ödəmişlər. Bu da onu deməyə əsas verir ki, Ağdam Rayon Sosial Müdafiə Fondunun yalan araşdırmaları nəticəsində Əmək və Əhalinin Sosial Müdafiəsi Nazirliyinin daha bir “fəaliyyəti”nin şahidi olduq və həmin nazirliyin rəzil durumuna şahid olduq…
Dərc etdiymiz material istintaq orqanları üçün əsaslı sayıla bilər…
E.Vaqifoğlu, Xüsusi olaraq “Reportyor.info” üçün
https://www.youtube.com/watch?v=bBMy8yXZAmI&feature=youtu.be
