Bir neçə gün qabaq Reportyor.info-da “Ağciyər Xəstəlikləri İnstitunun direktoruna ittiham” mövzusunda dərc edilən məqalə ilə bağlı tibb ocağından açıqlama gəlib.
Açıqlamada deyilir: Qeyd edilənlər həqiqətə uyğun deyil, şər-böhtandır. İstər müəssisənin rəhbəri, istərsə də Kliniki Diaqnoatik Laboratoriyanın müdiri işçilərə terror və təhqir etmir. Ümumiyyətlə, sual olunur ki, terror nəyə deyirsiz?
İşçilərdən işə məsuliyyətlə çalişib, işə vaxtında gəlib-getməyi, tibbi personalın səliqəli geyiminə, yəni əlcək, maska, bonedə olmaqla infeksion nəzarətə ciddi riayət etmələrini vurğulamağı, xəstələrə təmənnasız xidmət etməyi tələb etməyi terror adlandırırsız?
Hər bir işçinin vəzifə səlahiyyətləri var, bu səlahiyyətlərdən kənaraçıxma olduqda istənilən rəhbər və ya şöbə müdiri iradını bildirərək, xəbərdarlıq etmək səlahiyyətindədir. Qanun çərçivəsində edilən irad terror deyil, bu işə səriştəsiz yanaşanlar, nizam-intizama riayət etməyənlər üçün böyük qəbahət hesab edilir.
Məsuliyyətlə, vicdanla işinə yanaşan personal ona edilən göstərişdən narazı olmur, əksinə ona edilən iradları və ya tövsiyyələri nəzərə alıb, işinə daha da diqqətlə yanaşır. Xahiş edirəm, yazılanları nəzərə alıb, reallığı dərc edəsiniz.
