Açıqlamada, “Əl Cəburinin ölümü İŞİD-in hücum planlaşdırma qabiliyyətinə müvəqqəti əngəl törədəcək” deyilir.
İHA FƏALİYYƏTİ İLƏ
CENTCOM əməliyyatın yeri ilə bağlı məlumat verməsə də, İngiltərənin BBC telekanalı Suriyanın mülki müdafiə təşkilatı Ağ Dəbilqəlilərin Twitter-dəki açıqlamasına diqqət çəkib. “Ağ Dəbilqəlilər” naməlum pilotsuz təyyarənin İdlib vilayətinin Killi rayonunun çölünə raket atdığını açıqlayıb. Hədəf edilən şəxsə ilk cavab verən Ağ Dəbilqəli qrupların yaralını Türkiyə sərhədinin o biri tərəfindəki Bab əl-Hava xəstəxanasına apardığı, lakin bu şəxsin burada həyatını itirdiyi bildirilib. Müxalifətdəki “Enab Baladi” təşkilatı da həmin şəxsin 10 gün əvvəl əraziyə gəldiyini və Cəhənnəm atəşi raketi ilə hədəf alınarkən mobil telefonu ilə danışdığını bildirib.
ABŞ TƏYYARƏRİ SURİYADAN GÖNDÜRÜB
ABŞ-ın Aralıq dənizindəki “USS George WH Bush” təyyarədaşıyan gəmisi İranın dəstəklədiyi qüvvələrin Suriyada Amerika əsgərlərinin yerləşdiyi bazalara hücumundan sonra ehtiyat tədbiri olaraq Suriya sahillərinə yaxın bölgəyə yerləşdirilib. Pentaqonun mətbuat katibinin müavini Sabrina Sinq gündəlik mətbuat konfransında deyib: “Biz İran İnqilabı Keşikçiləri ilə əlaqəli qrupların Suriyada yerləşən qüvvələrimizə hücumlarını artırdığını gördük və ehtiyat tədbiri olaraq təyyarədaşıyan gəmini daha yaxın əraziyə çəkdik”. Altı aylıq mandatı bitən gəminin Aralıq dənizində nə qədər qalacağı ilə bağlı suala Sinq cavab verməyib. Bu qərar ötən həftə Suriyanın Həsəkə və Deyr əz-Zor şəhərlərində ABŞ bazalarına edilən hücumlardan sonra verilib.
