Demokratik və Respublikaçılar partiyalarından bir qrup deputat tərəfindən hazırlanan birgə qanun layihəsi Suriyaya qarşı mövcud sanksiyaları genişləndirir və Bəşər Əsəd rejimini tanıyan ölkələri hədəfləyir. Qanun layihəsi həmçinin Amerika hökumətinin Əsədi tanımasına və onunla əlaqələr qurmasına mane olur. Mətnə imza atanlardan olan Nümayəndələr Palatasının üzvü Joe Wilson, bu istiqamətdə addım atan ərəb ölkələrinə xəbərdarlıq edərək, “Qatil və narkotik taciri Əsədlə normallaşmağı seçənlər, törətdiyi cinayətlərə görə peşmandır, yanlış yoldadır”.
Qanun layihəsi ABŞ Dövlət Departamentinin rəyi nəzərə alınmaqla hazırlanarkən, Xarici İşlər sözçüsü Vedant Patel daha əvvəl “Vaşinqton Əsədlə normallaşmayacağını və müttəfiqlərinin bu işdə dəstək verməyəcəyini” demişdi. Mayın 7-də Misirin paytaxtı Qahirədə keçirilən Ərəb Liqası xarici işlər nazirlərinin toplantısında Suriya birliyə yenidən qəbul edilib. ABŞ-ın bölgədəki müttəfiqləri Səudiyyə Ərəbistanı və Birləşmiş Ərəb Əmirlikləri Dəməşqlə münasibətlərini normallaşdırarkən, Türkiyə də bu istiqamətdə irəliləyir.
