“Qarabağ”ın Konfrans Liqasının pley-off mərhələsindəki rəqibi “Aberdin” Ağdam təmsilçisi ilə cavab oyununa da itkilərlə çıxacaq.
Reportyor.info Şotlandiya mətbuatına istinadən xəbər verir ki, bu barədə komandanın baş məşqçisi Stiven Qlass bildirib. O, 2 oyunçusunun sözügedən qarşılaşmanı buraxacağını vurğulayıb. Rayan Heces və Endryu Korsidan zədəli olduqlarına görə görüşdə iştirak edə bilməyəcəklər.
Qeyd edək ki, avqustun 26-sı keçiriləcək “Aberdin” – “Qarabağ” oyunu Bakı vaxtı ilə 22:45-də başlayacaq. Komandalar arasında ilk matç təmsilçimizin 1:0 hesablı qələbəsi ilə başa çatıb.
