“Nəqliyyat Könüllüləri” proqramını müvəffəqiyyətlə başa vuran 36 nəfər könüllü Bakı Nəqliyyat Agentliyi tərəfindən sertifikat və hədiyyələrlə təltif edilib.
Bakı Nəqliyyat Agentliyində və tabeli qurumlarda praktiki bilik və bacarıqlara yiyələnərək müxtəlif sosial aksiya və layihələrdə iştirak edən könüllülər öz professional fəaliyyətlərində uğurlu addımlarını atıblar. Ötən ilin nəticələrinə əsasən könüllülərdən 3 nəfər işlə təmin edilib, 2 nəfər vətən müharibəsində iştirak edib, 15 nəfər pandemiya dövründə fəaliyyətinə görə sertifikatla təltif edilib.
Könüllülər ilində fəal olan 4 nəfər ilin könüllüsü seçilib. Eyni zamanda 30 nəfər könüllü isə hazırda bu və ya digər fəaliyyətlərdə fəal şəkildə iştirak edirlər.
BNA-dan bildirilib ki, könüllüləri paytaxt Bakının daha əlçatan, təhlükəsiz və mobil bir şəhərə çevrilməsi istiqamətində görülən işlərə dəstək olacaq və ətraflarındakı insanları maarifləndirəcəklər.
