Zəngəzurun Xinzirək (Nerkin Xndzoresk) kəndi istiqamətində bəzi mövqelər Azərbaycanın nəzarətinə keçib. Musavat.com bununla bağlı erməni mediasına istinadən xəbər verir.
Kənd icma rəhbəri Yervand Malunts bildirib ki, 4 fevralda Ermənistan ordusunun bölmələri nəzarət etdiyi döyüş mövqelərindən geri çəkilib və artıq oraya azərbaycanlılar gəlib. Malunts bildirib ki, kənddəki evlərlə Azərbaycanın hərbçilərinin mövqeləri arasında məsafə hazırda bir neçə yüsz metrdir.
Erməni mediası xatırladıb ki, bir az əvvəl azərbaycanlıların kəndə daxil olması xəbəri təkzib olunmuşdu.
Şurnuxu kəndinin sərhədçilərimizin nəzarəti altına keçməsindən sonra daha Zəngəzurun digər hissəsindəki mövqelərin də dəqiqləşdirilməsi və bir sıra mövqelərdə Azərbaycan bayrağının dalğalanması, həmçinin Kərki kəndinin azad olunacağı haqda xəbərlər Ermənistanda ciddi narahatlıq yaradıb, amma bunun qarşısını almaq üçün heç bir keçərli arqumentləri yoxdur.
