Birinci Qarabağ müharibəsində iştirak etmiş və işğalçı Ermənistan ordusunda polkovnik rütbəsini daşımış Rüstəm Qasparyan ağır yaralanıb, oğlu isə məhv edilib.
Reportyor.info xəbər verir ki, bu barədə “news.am” portalı yazıb.
Bildirilir ki, erməni polkovnikin ayaqları amputasiya olunub.
Qeyd edək ki, Ermənistan ordusunda 1994-2000-ci illərdə müxtəlif vəzifələrdə çalışmış Rüstəm Qasparyan polkovnik rütbəsi daşıyıb. Birinci Qarabağ savaşının ən fəal iştirakçılarından olub. Xocalı soyqırımında aktiv iştirak edib. Dinc əhalimizə xüsusi amansızlıqla divan tutduğuna görə, separatçı Qarabağ rejimi ona xüsusi medalla da təltif edib.
Rüstəm Qasparyan bir neçə gün əvvəl oğlu ilə birlikdə cəbhəyə döyüşməyə yollanıb. Azərbaycan ordusu erməni polkovnikin oğlunu zərərsizləşdirməyə müvəffəq olub.
