“Şikayətim EGE Hospital kardioloqu Ülvi Mirzəyevdəndir”. Reportyor.info-nun verdiyi xəbərə görə, bu sözləri Səbinə Nəzərova yazıb. O, 24.06.2020 tarixində atasını müayinəyə aparıb və stend qoymaq lazım olduğu deyilib.
S.Nəzərova bildirdi ki, Ü.Mirzəyev anju elədiyini söyləyib: “Təklif etdi ki, əgər yanınızda pul varsa indi qoyaq, 98% damarları tutulub.
Dedi ki, 6 ədəd stend qoymaq lazımdır. Soruşduq ki bu qədər stend qoymaq olarmı? Dedi ki, bəli, mən 8 ədəd belə qoyuram. Nəticədə 10.000 manat ödəyib razılaşdıq.
İki gün sonra buraxdılar, 04.07.2020 gecə atam özünü bir az pis hiss edirdi. Təcili tibbi yardım yoxlayıb dedi ki, bu qədər stend qoymaq olmaz”.
Şikayətçi qeyd edir ki, ertəsi gün atası öz maşınıyla həkimə gedib: “Həkim deyib ki, 1500 manat ödəyin, gəlin müayinəyə. Yarım saat sonra gətirib sənədləri, deyib imzalayın, açıq əməliyyat edək.
Anam həkimə deyib ki xəstəni göstərin, sonra ödəyək. Deməli, atam artıq dünyasını dəyişibmiş və bu özünə həkim adı qoyan məxluq ölmüş insanı əməliyyat etmək istəyirmiş!”
S.Nəzərova deyir ki səbəbini soruşmaq istəyəndə həkim aradan çıxıb: “Üstəlik 200 manat ödəyib, atamı məscidə yumağa göndərib.
Sən kimsən ki, kiminsə meyitini icazəsiz məscidə aparırsan? Bütün Azərbaycan bu qatili tanısın!”
Xatırladaq ki, əvvəllər adı “Grand hospital” olan və həkim səhlənkarlığından ardıcıl ölümlərə görə rebredinq edərək adını “EGE” edən klinikada neqativ hallar azalmaq bilmir.
