Mingəçevir şəhər icra hakimiyyətində maliyyə nöqsanları aşkarlanıb. Bu barədə Hesablama Palatasının 2017-ci ildə fəaliyyəti üzrə hesabatında bildirilir. Belə ki, aparılan yoxlamalar nəticəsində Mingəçevir şəhər İcra Hakimiyyətində tikinti xərcləri üzrə 13339,9, satınalmalar üzrə 5933, digər xərclər üzrə 126344,2 olmaqla, ümumilikdə 145617,1 manat maliyyə yayınması halı aşkarlanıb. Yoxlamalardan sonra görülən tədbirlər nəticəsində vəsait bərpa olunsa da, dövlət büdcəsindən oğurluq etməsi onların bu korrupsiya hərəkətinə yol verməsini təmizə çıxarmır, korrupsiya fakt baş verdiyi üçün gərəkən tədbirlər həyata keçiriləcək. Hakimiyyətin xəyanəti bağışlamadığı heç kimə sirr deyildir. Ziya Məmmədovun kadrı olan Niyazi Bayramovun himayədarsız qalması onun acı sonunu əngəlləyəcək bir müdafiəçisinin olmadığını göstərir. “Reportyor.info” mötəbər mənbədən verilən məlumata görə, yaxın günlərdə bir neçə icra başçısı çıxarılacaq, həmin siyahıda Niyazi Bayramovun da adı ilk onluqdadır. Işdən çıxarıldıqdan sonra isə onun cinayət məsuliyyətinə cəlb ediləcəyi planlaşdırılır.
“Reportyor.info”
