“Bir azdan intihar edirəm, rahat olun, nə siz, nə də sizinkimilər mənə lazım deyil”.
Reportyor.info xəbər verir ki, bunu feminist fəal Aysel Ələkbərzadə intihara cəhd etməmişdən əvvəl “Facebook” hesabında yazıb.
“Kimlərəsə inandınız, daha doğrusu, məndən başqa hamıya. Mən də bayaq son dəfə sevgilimi qucaqlayıb, yola saldım. Son bakal içki və intihar, necə gözəl səslənir. Onda görərsiniz intiharın ən gözəli necə olur.
İntiharımda isə Libre, Əsli və Qurban günahkardır. Mənim üstümdə oyun oynadılar. Mən isə son dəfə deyirəm, Məhv olsun Patriarxat, yaşasın Feminizm!! Salamat qalın”, – deyə feminst fəal bildirib.
Aysel Ələkbərzadə martın 10-u səhərə yaxın Yasamal rayonu ərazisində özünü 3-cü mərtəbədən atıb. O, aldığı müxtəlif xəsarətlərlə Kliniki Tibbi Mərkəzə yerləşdirilib.
Xəstəxanadan bildirilib ki, A. Ələkbərzadəyə ilkin tibbi yardım göstərilib, vəziyyəti orta-ağırdır və hazırda reanimasiyadadır.
Qeyd edək ki, A. Ələkbərzadə martın 8-də Bakının mərkəzində feminist qadınların təşkil etdiyi qanunsuz aksiyada iştirak edib. O, əlində tutduğu şüarla sosial şəbəkələrdə tənqid hədəfinə çevrilib. O, özünü binadan atmazdan əvvəl “Facebook”da intihar edəcəyini açıqlayıb. Məsələ ilə bağlı cinayət işi açılıb, hazırda araşdırma aparılır.
