“Nestle” firmasının Azərbaycanda yerləşən nümayəndəliyində də çoxlu maxinasiyalar həyata keçirilir. Aktualxeber.az-a daxil olan məlumata görə firmanın regional meneceri olan Dilarə adlı xanım buranı bir ailə şirkətinə çevirib.
Həyat yoldaşı Elmar firmaya məxsus avtomobili şəxsi məqsədləri üçün istifadə edir. Həmin avtomobil hər gün onun işlədiyi Bakı Sağlamlıq Mərkəzinin qarşısında dayanır.
Dilarə xanım özü isə Nataşa adlı köməkçisinin şəxsi maşınında gəzir. Onun uşaqlarına da sürücülük edən köməkçisinə regional menecer olan xanım borclu qalmır. Onu ezamiyyətlərə yoxlama adıyla göndərərək birlikdə pullar mənimsəyirlər – Aktualxeber.az belə yazır.
Bundan əlavə, Dilarə xanım B.Ə.Eyvazov adına Elmi-Tədqiqat Hematologiya və Transfuziologiya İnstitutunun əməkdaşı olan Emma adlı baldızını da qeyri-qanuni olaraq işə götürərək ayda 800-900 manat maaş verir. Əslində, firmada pediatrlar işləməli və mühazirə oxumalıdırlar.
İddialara görə, Dilarə xanım yaxın ətrafına deyir ki, “həyat yoldaşım Elmar səhiyyə nazirinin müavini Elsevər Ağayevin tələbə yoldaşıdı və arxamızda da o dayanır”.
Səhiyyə sistemində bizim firmaya nazir müavini tərəfindən “yaşıl işıq” yandırılıb və buna görə də ona aylıq haqq ödəyirik.
Aktualxeber.az-a yeni daxil olan məlumata görə Dilarə xanım daha bir qanunsuzluğa imza atıb. Belə ki, Lənkəran Uşaq Poliklinikasının sahə həkimi Təbiət Süleymanova “Nestle” firmasının cənub regionu üzrə tibbi nümayəndəsi təyin edilib.
Bildiyimiz kimi “Nestle” firmasında iş saatı 9:00-dan 18:00-a kimidir. Həmin saatlarda həmin həkimin də iş vaxtıdır və deməli bu adam eyni zamanda iki yerdə ola bilməz.
Salyandan üzü cənuba bütün rayonlardakı tədbirlərdə və ezamiyyətlərdə bu həkimin adı gedir. Bu yolla onun adına pullar yazılaraq silinir və mənimsənilir deyə iddialar səslənir. Yazıda adları keçən şəxsləri dinləməyə hazırıq.
