“Görünən odur ki, ölkədə ictimai rəyə ciddi fikir vermirlər. Ona görə də məmur təbəqəsi soyğunçuluqla məşğuldur”.
Bu fikirləri GÜNpress.az-a açıqlamasında Müsair Müsavat Partiyasının sədri Hafiz Hacıyev səsləndirib. O bildirib ki, dəfələrlə konkret ad çəkərək ifşa etdiyi məmurlar var ki, hələ də vəzifə başındadır:
“Hətta televiziyadan konkret ad çəmişəm ki, filan məmur filan qədər dğvlət vəsaitini talayıb, filankəs qanunsuzluqlar edib, amma ortada bir nəticə yoxdur. Görək, bu deyilənləri nəzərə alan varmı, yoxdur. Statistika Komitəsi guya əhalinin siyahıya alınması prosesini həyata keçirib. 13 milyon vəsait xərclənib, axırda da məlub olub ki, böyük əksəriyyətdən nəsə soruşan olmayıb. Bəs o boyda pul hara xərclənib.
Bu baxımdan, mən ölkədəki vəziyyətin bərbad olduğunu düşünürəm. Milləti narazı salam, onları küçələrə tökən məmurların, balalarının özbaşınalığıdır. Həmişə demişəm ki, məmurların böyük əksəriyyəti “moşşennik”liklə məşğuldur. Bu məmurlar dövlət deyil, onlar dövlətə ən böyük zərbə vuranlardır. Tahir Budaqov icra başçısı idi, sonra gətiribi Dövlət Komitəsinə sədr qoydular, o da ancaq pul silməklə məşğul olduğu ortaya çıxdı”.
Partiya sədri artıq bu cür oyunlardan bezdiyini də dilə gətirib. Onun sözlərinə görə, artıq bu iyrəncli onu ölkədən getməyə sövq edir:
“Bilirsiz, bu qədər çirkaba dözmək olmur. Bizim rayon təşkilatlarının bizə gətirdiyi məlumatları müəyyən yerlərə çatdırırıq, amma heç bir tədbir görülmür. Ziya Məmmədov, Rövnəq Abdullayev milyardları yedilər, nə oldu ki, Statistika Komitəsinin rəhbərinə də nə olsun? Yəni, bu məmurlar görürlər ki, talançılığa qarşı adekvat cavab verilmir, onlar da öz bildiklərini edirlər. Prezident də hərəkətə keçən kimi, o dəqiqə mənfur qüvvələrin əli ilə qarışıqlıq salırlar. Deputatı elə, naziri elə…
Bu adamlar Prezident gördüyü işlərin üzərinə kölgə salırlar. Nə edirlərsə, ancaq zərərə işləyir. Ona görə də bu cür məmurlara qarşı geri çəkilmirəm. Ya onları tamamilə sıradan çıxaracağam, ya da bu yolda özümü fəda edəcəyəm”.
