“Paşinyan kimilər vaxt keçdikcə bizim torpaqlarda yol çəkib, kommunikasiya xətlərini bərpa etdikdən sonra dünyaya car çəkəcəklər ki. bura bizim torpaqlarımızdı, bu qədər xərc çəkmişik və indi də Azərbaycan bizim torpaqları əlimizdən almaq istəyir”
Bunu Moderator.az-a açıqlamasında Müasir Müsavat Partiyasının sədri Hafiz Hacıyev Ermənistanın baş naziri Nikol Paşinyanın Qarabağda rəqs etməsinə münasibət bildirərkən deyib. H.Hacıyev Paşinyanın gəldiyi yerləri bombalamağı təklif edib:
“Dağlıq Qarabağ məsələsini elə bir həddə gətirib çıxarıblar bu günki hökumət üzvlərinin onun azad edilməsi haqqında heç bir marağı yoxdur. Paşinyan haranın dığasıdır ki, bizim torpaqda açılış etsin. Torpaq mənimdir və Paşinyan gələn yeri mən olsam, bombalayaram. Bunlar niyə bombalamırlar?! Deməli burda kiminsə marağı var. Paşinyan kimilər vaxt keçdikcə bizim torpaqlarda yol çəkib, kommunikasiya xətlərini bərpa etdikdən sonra dünyaya car çəkəcəklər ki. bura bizim torpaqlarımızdı, bu qədər xərc çəkmişik və indi də Azərbaycan bizim torpaqları əlimizdən almaq istəyir. Məsələni buna kökləyirlər. Bizim xarici işlər naziri də gedib-gəlir deyir ki, xalqları sülhə hazırlayaq. Qardaş, məni hansı sülhə hazırlayırsan?! Mənim torpağımı azad etsinlər, vəzifədə biri erməni olsun, digəri də azərbaycanlı. Biz də sülhpərvər, qonaqpərvər millətik ya qucağımızda otursunlar, ya da əl-ələ verib işləyək. Amma bu gün Azərbaycanı bu vəziyyətə salmağı xalq heç vaxt, heç kimə bağışlamayacaq. Ola bilər ki, millət nəyinsə xatirinə bu gün susub, amma sizi inandırım ki, Dağlıq Qarabağ məsələsində heç kim susmayacaq, o cümlədən Hafiz Hacıyev və onun partiyası. Əgər lazım olacaq partizan müharibəsinə qalxacağıq. Buna da çox az vaxt qalıb.
Ermənilərin bizim torpaqda kef çəkməsinin günahkarı bizim bu sahəyə baxan məmur kontingentinin həvəssizliyi və ögey münasibətidir. Ona görə də millət çox narazıdır. Bizim qarşımıza da çox ciddi tələblər qoyurlar. Paşinyanın asma körpüdə oynaması bizə təhqirdir, millət olaraq bizə tüpürmək deməkdir. Vaxtilə biz bunların başına oyunlar açırdıq, amma indi onlar bizim başımıza oyun açırlar. Düşünürəm ki, bu istiqamətdə ölkə ictimaiyyəti, QHT-lər ayağa qalxmalıdır. Yaxud da bu sahəyə təhkim olunmuş ATƏT-in Minsk qrupunun həmsdərlərinin qarşısına konkret məsələ qoymaq lazımdır, ya torpağımı al, qaytar, ya da cəhənnəm ol get, sənin vasitəçiliyin mənə lazım deyil. Bu cür biabırçılıq olmaz axı. Bunlar kimdir ki, onların hərəkətinə biz dözək. Bizim bu sahəylə məşğul olan nazirlərimizin canları çıxsın xalqın qarşısında hesabat versinlər. Bu cür biabırçılığa dözmək artıq mümkün deyil.
Dağlıq Qarabağ məsələsi bu gün Azərbaycanın daxili işidir, bunu heç kim xariclə əlaqələndirməsin. Torpaqlarımızda terror əməliyyatı keçirənləri çıxarmaq üçün kimdənsə icazəmi almalıyıq?! Kimdi bizim “ərimiz”, Amerikadımı, Rusiyadımı?! Gedək deyək ki, bizə icazə verin torpaqlarımızı “at oynadan” ermənilərdən azad edək. Əgər bacarmırlarsa, kənara çəkilsinlər. Bu qədər də olmaz axı 26 ildir biz Dağlıq Qarabağdan uzaqlaşmışıq və artıq yaddaşlardan çıxır. Paşinyan kimilər də bundan istifadə edir. Avropada pul töküb yayırlar ki, Azərbaycan bizim torpaqlarımızı əlimizdən almaq istəyir. Bizimkilər də pul töküb villa tikirlər, Azərbaycandan oğurladıqlarıyla xaricdə obyekt alırlar, arvadlarından boşanıb ingilis arvadları alırlar. Oğlanlarının qolundakı iki milyonluq saatını başlarına vurub əlindən alırlar. Biz bu məsələləri çox ciddi şəkildə nəzarətdə saxlayırıq və bizim bir neçə gün sonra siyasi şuranın iclası keçiriləcək və biz öz qəti qərarımızı verəcəyik.
Əgər bu bizim xarici işlər nazirliyinin erməni qohublarının gedib Amerikada ermənilərlə barışıq elən eləsə, biz bu barışığa getməyəcəyik. Həmin əraziyə bir dəfə raket atılsa, Paşinyan qələt edər ikinci dəfə ora gələ bilməz. Ona görə də bunlar hamısı bizi sınayıblar və bilirlər ki, onlara heç nə edə bilməyəcəyik və bunun üçün də qudurublar. Azərbaycan xalqının başının altına da bir yastıq qoyulub. Bu gün prezidentə imkan vermirlər ki, Dağlıq Qarabağ məsələsini həll etsin. Ölkə başçısının ətrafında olan ermənilərlə qohumluğu olan insanlar ölkə prezidentinə, mənim əziz qardaşıma xəyanət edirlər. Biz bu xəyanətə axıra qədər göz yuma bilmərik və imkan verməyəcəyik ki, bu davam etsin. Mən təklif edirəm ki, Paşinyan gedən yer bombalansın”.
