Xüsusən yay tətilinin önəmli bir hissəsinin keçirildiyi yerlər olan çimərliklərdə qumun rəngi və ya keyfiyyəti böyük əhəmiyyətə sahibdir. Ancaq bu özəlliklərlə paralel çimərliklər fərqli cəhətləri ilə də diqqət çəkir. Dünya miqyasında bəzi çimərliklər sadəcə, çılpaq şəxslərə açıqdır.
Musavat.com dünya mediasına istinadən bu çimərliklərin siyahısını və özəlliklərini təqdim edir.
Qızılı Çimərlik – Girit adası, Yunanistan
Yunanistanın Girit adasında yerləşən Qızılı Çimərlik çılpaqların rəğbət göstərdiyi bir yerdir. Matalaya 20 dəqiqəlik bir piyada məsafəsində yerləşən çimərlik 300 metrlik uzunluğa sahibdir. Xüsusən də hippi gənclərin 60-cı illərdə getdiyi bu çimərlik günümüzdə də əsasən çılpaqlara ev sahibliyi edir.
Plakias Çimərliyi – Girit adası, Yunanistan
Giritin ən uzun çimərliklərindən biri olan Plakias da hər hansı bir geyim olmadan günəşlənib, dənizə girilə biləcək yerlər arasındadır. Dalğıclar üçün də uyğun bir yer olan Plakiasın ümumi uzunluğu 1.3 kilometrdir.
Rovinj, Horvatiya
Horvatiyanın Dalmaçya sahilində yerləşən Rovinjdə yer alan Valalta, bölgənin ən məşhur çimərliklərindən biridir. Çılpaqların da rəğbət göstərdiyi bu çimərlik Adriatikdə, bu sahədə tək olmaq özəlliyinə sahibdir.
Vrek Qumluğu – Vankuver, Kanada
Kanadada dövlətin açdığı bir çılpaqlar çimərliyi olan Vrek bu baxımdan bir ilkə imza atmış oldu. Vankuverdən 15 dəqiqəlik piyada məsafəsindəki çimərlik, eyni zamanda Cənubi Amerikanın ən uzun sahilinə sahib olan çılpaqlar çimərliyi ünvanına sahibdir.
Cap d’Agde, Fransa
Dünyanın ən məşhur çılpaqlar çimərliyi olan Cap d’Agde çimərliyinə hər yay onminlərlə turist axın edir. Qəsəbədə də çılpaq gəzməyə icazənin verdiliyi bu bölgə nudistlər tərəfindən xüsusən seçilən bir yerdir.
Haulover – Florida, Amerika
Amerikanın Florida ştatındakı bu çimərlik istəyənlərin geyimsiz də günəşlənəcəyi, dənizə girə biləcəyi bir yerdir. İldə təxminən bir milyon insanın gəldiyi çimərlik bu yönü ilə diqqət çəkir.
Riviera Maya, Meksika
Meksikanın gizli cənnət olaraq xatırladılan bu çimərliyinə girmək üçün tək bir şərt var: o da gələnlərin 18 yaşdan yuxarı olmasıdır. Bir otelin idarə etdiyi bu bölgədə arzulayan hər kəs paltarsız gəzə bilir.
Massarandupio, Braziliya
Bahai bölgəsində yerləşən bu məkan Braziliyanın ən məşhur çılpaqlar çimərliyidir. Ora ancaq ayaqla çatmaq mümkündür. Ona görə də hər kəsin gələ bilmədiyi bu çimərliyə 1.5 kilometrlik çətin bir piyada gəzintinin sayəsində çatmaq mümkündür.
Grand Saline, St.Barts
Fransanın St. Barts adasındakı Grand Saline çimərliyi nudistlərin də rəğbət etdiyi bir yerdir. Dünyanın ən varlı adamlarının tətilini keçirmək üçün tərcih etdiyi bu bölgədə çox sayda məşhur insanla rastlaşmaq mümkündür.
Maui, Havay, Amerika
Havay adasındakı Maui bölgəsində yerləşən Little Beach çimərliyi qumluğu və dənizi ilə tətilçiləri özünə heyran qoyur. Ağ qumu ilə məşhur olan çimərlikdə insanlar əsasən çılpaq günəşlənib, dənizə girməyi tərcih edirlər.
Bellevue, Danimarka
Soyuq bir iqlimə sahib olsa da, Danimarka əslində möhtəşəm çimərliklərin olduğu bir ölkədir. İqlimə görə ilin çox kiçik bir hissəsində istifadə edilə bilən bu çirmərliklərdən ən məşhuru Bellevuedir. Nudistlərin də tez-tez tərcih etdiyi çimərlik 700 metr uzunluğunda və paytaxt Kopenhagenə sadəcə, 10 kilometr uzaqlıqdadır.
Sevinc, musavat.com
