Abşeron rayonunun Masazır qəsəbəsində baş verən silahlı insidentin təfərrüatları məlum olub.
“Yeni Bakı” Yaşayış Kompleksindәn “Report”a verilən məlumata görə, hadisə kompleks ərazisində deyil, qәsәbәdә yerləşən “Qәbәlә” kafesindәki ev alqı-satqısı ofisindә baş verib.
Münaqişəyə ev alqı-satqısı ilә mәşğul olan şәxslәrlə şәhәrciyin komendantı Ehtiram Yusifov arasında söyüş üstündə yaranan mübahisə səbəb olub.
Xatırladaq ki, insident zamanı “Vinçester” markalı odlu silahdan açılan atəş nəticəsində 1994-cü il təvəllüdlü Kamran Qasımov sağ ayaq, 1990-cı il təvəllüdlü Talıbov Məmməd döş və qarın və 1980-cı il təvəllüdlü Gəncəliyev Zaur döş və qarın nahiyələrindən çoxsaylı qırma yaraları alıb.
Yaralılar 1 saylı Kliniki Tibbi Mərkəzə yerləşdiriliblər.
Yaralıların sözlərinə görə, onlara atəş açan şəxs “Yeni Bakı” Yaşayış Kompleksinin komendantı Ehtiram adlı şəxsdir.
