Xırdalan şəhərində yeni park salınıb. Sakinlərin istirahət məkanına çevriləcək park şəhər 1 nömrəli tam orta məktəb ilə üzbəüz 0,13 hektarlıq ərazidə yaradılıb.
Rayonun daxili imkanları hesabına parkda tikinti işlərinə bu ilin yanvar ayından başlanılıb. Əvvəllər baxımsız vəziyyətdə olan ərazidə salınan parkda işlər artıq başa çatdırılb. Parkda dekorativ ağac və kollar əkilib, zibil qutuları quraşdırılıb, yaşıllıqlar salınıb, səkilərə tamet döşənib, söhbətgahlar yaradılıb. Həmçinin xüsusi işıqlandırma sistemi və oturacaqlar quraşdırılıb.
