Azərbaycan Prezidenti İlham Əliyevin və Ermənistanın baş naziri Nikol Paşinyanın Qarabağ nizamlanması üzrə görüşü martın 29-da Vyanada olacaq.
Reportyor.info Virtualaz.org-a istinadən xəbər verir ki, bunu “İnterfaks Azərbaycan” agentliyinə Avstriya paytaxtındakı diplomatik mənbədən bildiriblər.
“Görüş 29 martda Vyanada olacaq və ATƏT-in Minsk qrupu həmsədrlərinin vasitəçiliyi ilə keçəcək”, – agentliyin həmsöhbəti qeyd edib.
Azərbaycanın xarici işlər naziri Elmar Məmmədyarov martın 14-də bildirmişdi ki, Bakı və Yerevan Azərbaycan Prezidenti İ. Əliyev və Ermənistan baş naziri N. Paşinyan arasında Qarabağ münaqişəsinin nizama salınması ilə bağlı görüşün keçirilməsinin tarixini razılaşdırırlar.
Onun sözlərinə görə, zirvə toplantısı ilə yanaşı, iki ölkənin xarici işlər nazirlərinin görüşü də hazırlanır
