Prezident İlham Əliyev yerlərdən daxil olan müraciətləri nəzərə alaraq, Nazirlər Kabinetinə “Meşə təsərrüfatına dəymiş ziyana görə maddi məsuliyyətə cəlb edilmə qaydaları haqqında” 1993-cü il 27 dekabr tarixli 636 nömrəli qərara dəyişikliklərin ləğv olunması barədə göstəriş verib.
Reportyor.info xəbər verir ki, bu barədə AZƏRTAC məlumat yayıb.
Qeyd edək ki, Nazirlər Kabineti “Meşə təsərrüfatına dəymiş ziyana görə maddi məsuliyyətə cəlb edilmə qaydaları haqqında” qanuna dəyişiklik etmişdi.
Dəyişikliyə görə, meşədə yığılan hər bir kiloqram alma, armud, və zoğala görə bir manat məbləğində cərimə tətbiq edilirdi.
Meşədən yığılması qadağan olunanlar siyahısına dərman bitkiləri də əlavə olunmuşdu: itburnu, çaytikanı, fıstıq toxumu və s. Bu növ bitkilərin yığılmasına görə 3-5 manat civarında cərimə nəzərdə tutulurdu.
Dəyişiklikdə tökülmüş yarpaqları, meşə döşənəyi və qarğı yığan şəxslərin cəzalandırılması nəzərdə tutulurdu.
