Gürcüstanın, azərbaycanlıların kompakt yaşadığı Marneuli şəhərində fəaliyyət göstərərn, Marneuli Şəhər Meriyasının tabeçiliyində olan Mədəniyyət Evi bir çox məsələlərdə etnik azlıqlara qarşı diskriminasiya mövgeyi tutur. Bu açıqlama ilə Marneuli sakini, gənc ictimai fəal, Marneuli FM radiosunun aparıçısı Samirə Bayramova çıxış edib. Öz feysbuk hesabında Marneuli Mədədniyyət Evinin fəaliyyəti ilə bağlı kəskin fikirlər səsləndirən Samirə Bayramova bildirib ki,: “Marneuli Mədəniyyət Evi son iki ildir ki, Novruz bayramını elə keçirirlər ki, bizim milli bayram standartlarına uymur. Ona görə də Mədəniyyət Evində azərbaycanlının çalışması vacibdir ki, belə mövzularda iştirak etsin. İşlə təmin olunmasa da, bununla bağlı fərqli adamların fikri, məsləhəti önəmlidir. Keçən il keçirilən Novruz bayramı həqiqətən də gülməli idi. Bizdə “kosa”, “keçəl” və “bahar qızı” personajları var və onlar isə qəsdən və ya bilməyərəkdən kloun şəklində təqdim olunmuşdu və bu azərbaycan mədəniyyətinin və milli bayram kimliyinin təhqiri idi” Samirə Bayramovanın fikirlərinə qarşı, bəzi Marneuli sakinlərinin sosil şəbəkələrdə aqressiv və qərzli şərhlər yazması isə birmənalı qarşılanmayıb. Daha sonra S.Bayramova yazlb ki,: “Çox pisdir ki, mənim paylaşımıma şərhlər başqa istiqamətdə gəldi. İctimai sektor bu tənqidi adi şəkildə qəbul etməlidir. Nə xoşuma gəlmirsə onu qeyd etmək hüququm var.
Mənim etirazım odur ki, hamı bərabərhüquqlu olmalıdır və bu halda hamı görər ki, Mədəniyyət Evi nə yaxşı iş görür. Təəssüf ki, qoşulmaq yalnız şəhər səviyyəsindədir. İkinci etirazım o idi ki, Marneuli rayonu ərazisindəki kəndlərdə cəmi 6 Mədəniyyət Evi var və heç biri faktiki olaraq fəaliyyət göstərmir. Həmin kəndlərin icma nümayəndələrinin də hüququ var ki, mədəniyyətin yaşadılmasında fəal proseslərər qoşulsunlar” Samirə Bayramova açıqlamasına əlavə edib ki, “Onun sosial şəbəkələrdə və mediada səsləndirdiyi mövqeyə Marneuli Meriyası əməkdaşları, pedaqoqlar və Mədəniyyət Evinin əmədaşları tərəfindən gələn şərhlər qeyri-obyektiv və qərəzlidir.” S.Bayramova Marneuli Mədəniyyət Evinin rəsmi adından N.Nərimanovun adının çıxarılmasına də rəy bildirib və qeyd edib ki, Mədəniyyət Evinin əməkdaşları neytrallıq mövqeyi tutmalıdırlar çünki hələ meriyanın resmi deyişiklik barədə cavabı yoxdur.”
Reportyor.info
