Milli Qəhrəmanımız Mübariz İbrahimov haqqında sərsəm fikirlər səsləndirən Nərmin Şahmarzadə məhkəməyə verilib. Onu qarşıda şəhidimiz təhqir etdiyinə görə həbs cəzası gözləyir. Amma məsələ hələ də gündəmdə müzakirə olunur. Ölkənin bütün təbəqələrindən olan insanlar bu qızın çox ciddi şəkildə cəzalandırılmasını istəyir.
Moderator.az-a açıqlamasında Müasir Müsavat Partiyasının sədri Hafiz Hacıyev çox sərt danışdı. Bildirdi ki, torpaqlarımızı işğal edən düşmənlərimizə haqq qazandıran bu qız çox ciddi şəkildə cəzalandırılmalıdır:
“Bu qızın çıxışı tam olaraq əxlaqsızlıqdır, Azərbaycan xalqına qarşı hörmətsizlikdir. Bilmirəm onun yiyəsi kimdir, haralıdır. Amma görünür bu qızı da ortaya salan adamlar var. Yadınızda qalsın ki, “Heç vaxt od olmayan yerdən, tüstü çıxmır”. Dağlıq Qarabağın işğaldan azad edilməsi uğurunda Azərbaycan xalqının toparlanması bir vaxtında o qızın kimlərsə tərəfindən öyrədilərək belə fikirlər səsləndirməsi çox böyük tərbiyyəsizlikdir. O, başqa sahələrdə uğur qazana bilərdi, amma onun şəhidimiz haqqında belə fikirlər səsləndirməsi qəbuledilməzdir. Mən baş verənləri xaricdən izlədim, çünki ölkədə deyildim. İnsanlar yazırdılar ki, bu məsələyə sizin də münasibət bildirmənizi istəyirik. Açığını deyim ki, millətimin içində olan, xalqımı sevən bir insanam və belə səviyyəsiz, siyasətdən başı çıxamayan bir adamın Azərbaycanın Milli Qəhrəmanı və qeyrətli oğlu haqqında mənfi fikirlər səsləndirməsini qəti qəbul edə bilmirəm. Bilmirəm o, xanımın atası-anası kimdir, amma onları çağırıb soruşan yoxdur ki, burnunuzu hara soxursunuz? Onun nəslini, kökünü araşdırmaq lazımdır, bəlkə elə ermənidən əmələ gəlib. Azərbaycanda gərək rəfiqələri onun saçını yolsun”.
H.Hacıyev bildirib ki, o, qız məhkəmənin qərarı ilə vətəndaşlıqdan məhrum edilməlidir:
“Məhkəmə onu Azərbaycan vətəndaşlığından çıxarıb, haqqında cinayət işi açmalıdır. Bu insanın Xocalı faciəsindən xəbəri varmı? Onun dedikləri şəhidlərimizin ruhuna hörmətsizlikdir. Doğrusu, bizim bəzi məmurlar dodağı boyalı qızlara meyillidirlər. Bəlkə o, qızı ermənilərlə qohum olan hansısa məmur öyrədib. Bütün bunlar məhkəmədə ciddi şəkildə araşdırılmalıdır. Kim bu qızı küçədə görsə, gərək üzünə tüpürsün. Ermənilər bizim əsir düşən qız gəlinlərimizin, Şahbaz Quliyevin, Dilqəm Əsgərovun başına olmazın oyunlarını açırlar”.
