Bu günlərdə mətbuatda 9 saylı cəzaçəkmə müəsisəsində baş verən qanunsuzluqlar, məhbuslardan müxtəlif adlarla pul yığılması haqda məlumat yayılmışdı.
Burada cəza çəkən məhbuslar Ədliyyə nazirinə müracətdə bildirirdi ki, “baş verən rüşvət, bazar qaydaları, xüsusilə “kapitan” rütbəli İmran adlı işçinin əməlləri haqda müvafiq qurumlara yazmışdıq. Bir müddət həmin şəxs qanunsuz əməllərini dayandırdı. İndi yenidən bu “kapitan” qılıncını əlinə alıb və bütün məhbuslara “haqq” qoyur. Məhbusların qanunla müəyyənləndirilmiş imtiyazları üçün belə rüşvət istənilir. Bu da azmış kimi İmran müxtəlif vasitələrlə məhbusları şərləyərək onlardan pul qoparır. Hər bir məhkum ayda işıq pulu verir”.
İndi isə sözügedən cəzaçəkmə müəsisəsi ilə bağlı redaksiyamıza daha bir ilginc məlumat daxil olub.
Məlumatda bildirilir ki, 9 saylı cəzaçəkmə müəsisəsində Azərbaycanın azadlığı və ərazi bütövlüyü uğrunda şəhid olmuş qəhrəmanların şəkilləri əks olunmuş lövhə hörmətsiz şəkildə qoparılmış və zibil yerinə atılmışdır.
Məhbus Rauf Rəhimov buna etiraz etdikdə isə təzyiqlə üzləşmiş və cəzaçəkmə müəsisəsinin rəisi tərəfindən 17 saylı cəzaçəkmə müəsisəsinə köçürülmüşdür.
