Bu gün mediada yayılan məlumatlara görə, “Dalga Beach”in əməkdaşları 5 aya yaxındır ki, maaşlarını ala bilmirlər. İşçilərin sözlərinə görə, çalışdıqları restoran 50-yə yaxın əməkdaşın maaşını vermir və rəhbərlik müxtəlif vədlərlə onları gözlədir.
“Bu gün mediada yayılan xəbərlərdən sonra qeyd olunan iddialardan xəbərdar olmuşuq. Bildiririk ki, “Dalga Beach” bu il fəaliyyət göstərməyib və fəaliyyətsiz məkan üzrə maaş tələblərinin irəli sürülməsi əsaslı görünmür”.
Bu sözləri Reportyor.info-ya “Dalga Beach” çimərlik mərkəzinin mətbuat idmətinin rəhbəri Ramal İsayev bildirib.
“Şirkətimizdə əməkdaşlar yalnız rəsmi əmək müqaviləsi əsasında işə qəbul olunur. Hazırda məsələ ilə bağlı daxili araşdırma aparılır. Əgər iddialar təsdiqini tapsa, ödənişlər təmin ediləcək. Əks halda, məqsədli şəkildə yayılan bu məlumatlara görə hüquqi tədbirlər görüləcək”, – deyə o, əlavə edib.
