Ermənistanda səfərdə olan İran prezidenti Məsud Pezeşkian İrəvan şəhərində yerləşən Göy Məscidi ziyarət edib.
Reportyor.info xəbər verir ki, o, burada ibadət mərasimində iştirak edib və namaz qılıb.
Qeyd edək ki, Göy Məscid 1760-cı illərdə İrəvan xanı Hüseynəli xan tərəfindən inşa olunub və vaxtilə şəhərin ən böyük məscidi olub. Lakin XX əsrin ortalarından etibarən Ermənistan ərazisində bütün Azərbaycan izləri – məscidlər, qəbiristanlıqlar, memarlıq abidələri sistemli şəkildə dağıdılıb. 1988-ci ildən başlayaraq azərbaycanlılar Ermənistanın bütün ərazilərindən, o cümlədən İrəvandan kütləvi şəkildə qovulduqdan sonra Göy Məscid də sahibsiz qalıb.
