Vatikanın açıqlamasına görə, Papanın narahatlığı əvvəlki əməliyyatdan sonra yaranan yırtıqdan qaynaqlanır.
Bildirilib ki, 86 yaşlı dini lider ümumi anesteziya altında qarın nahiyəsindən açıq əməliyyat olunacaq.
Papa Fransiskin bir neçə gün xəstəxanada qalacağı gözlənilir.2021-ci ilin iyul ayında Papa Fransisk bağırsaq əməliyyatı keçirib və yoğun bağırsağının 33 sm-lik hissəsi çıxarılıb.
Keçən yanvar ayında verdiyi açıqlamada Papa bu əməliyyata səbəb olan problemlərin geri qayıtdığını söylədi.
Vatikanın sözçüsü Matteo Bruni bu səhər bildirib ki, Papanın “təkrarlanan, ağrılı və pisləşən” simptomlar səbəbiylə əməliyyat olunmasına qərar verilib.
Papa Fransisk dünən müayinə üçün Gemelli poliklinikasına gedib. Bu 40 dəqiqəlik səfərdən sonra Vatikana qayıdan Papa bu gün səhər ümumi qəbul mərasimini keçirib.
class=”medianet-inline-adv”>
Papanın bu mərasimdən sonra xəstəxanaya getdiyi açıqlanıb. Papa da keçən mart ayında tənəffüs yoluxucu infeksiyaya görə Gemelli xəstəxanasına yerləşdirilmişdi.
Papa Fransisk diz narahatlığına görə tez-tez əlil arabası və əsa istifadə edir. O, 2021-ci ildə bağırsaq əməliyyatından sonra ümumi anesteziyanın yan təsirlərindən əziyyət çəkdiyi üçün dizində əməliyyatdan imtina edib.
Bu il səlahiyyətlərinin 10-cu ilini tamamlayan Roma Papası Fransisk səhhəti imkan vermədiyi təqdirdə istefa verəcəyini istisna etmir. Müasir dövrdə papaların ölənə qədər vəzifədə qalmaq ənənəsini pozan ilk şəxs 2013-cü ildə istefa verən əvvəlki Papa XVI Benedikt olub.
Francis, keçən ilin sonunda verdiyi açıqlamada, tibbi səbəblərdən bu vəzifəni tərk etməli olduğu təqdirdə istifadə etmək üçün istefa məktubunu hazırladığını söylədi.