Dünyada narahatlıq yaradan meymun çiçəyi virusu Çinin paytaxtı Pekində görünüb. Pekin Xəstəliklərin Qarşısının Alınması və Nəzarət Mərkəzinin verdiyi açıqlamada, bu hadisə ilə təmasda olan bir şəxsdə xarici mənşəli bir hadisənin görüldüyü və başqa bir virusun aşkar edildiyi bildirilib.
Açıqlamada virusa yoluxmuş 2 nəfərin xəstəxanada karantinə alındığı, əlaqənin bələdiyyə və rayon səhiyyə müəssisələri tərəfindən izləndiyi qeyd edilib. Müalicə olunan xəstələrin vəziyyətinin stabil olduğu bildirilib.
Mərkəzi və Qərbi Afrika ölkələrində rast gəlinən meymun çiçəyi virusu indiyədək 111 ölkədə aşkarlanıb.
Ümumdünya Səhiyyə Təşkilatının (ÜST) mayın 11-də verdiyi açıqlamada meymun çiçəyi virusunun 90 faiz azaldığı və artıq beynəlxalq əhəmiyyət kəsb edən ictimai səhiyyə fövqəladə hadisəsi olmadığı bildirilib.
Çiçək xəstəliyinə bənzəyən meymun çiçəyi virusu ilə qarşılaşan xəstələrdə yüksək hərarət, baş ağrısı, bel və əzələ ağrıları, titrəmə və üşümə, dəri döküntüsü kimi əlamətlər görülür.
