Səudiyyə Ərəbistanı kralı Salman və vəliəhd şahzadə Məhəmməd bin Salman Krallığın İstanbuldakı Baş Konsulluğunda öldürülən jurnalist Camal Xaşoginin ailə üzvlərini sarayda qəbul edib.
“Report” xəbər verir ki, görüşdə Camal Xaşoginin oğlu Salah Xaşogi də iştirak edib.
Kral və vəliəhd onlara başsağlığı verib.
Qeyd edək ki, Türkiyə prezidenti Rəcəb Tayyib Ərdoğan oktyabrın 23-də Ədalət və İnkişaf Partiyasının (AKP) parlamentdəki fraksiyasının toplantısında Camal Xaşoginin öldürülməsi ilə bağlı çıxış edib. O, oktyabrın 22-də telefonla bu məsələni ABŞ prezidenti Donald Trampla müzakirə edib.
Kral Salman isə kimliyindən asılı olmayaraq, Camal Qaşıqçının öldürülməsində əli olanların cəzalandırılacağını deyib.
Xatırladaq ki, jurnalist Camal Xaşogi oktyabrın 2-də Səudiyyə Ərəbistanının İstanbuldakı Baş Konsulluğunun binasında öldürülüb. Krallıq onun qətlə yetirildiyi ilə bağlı açıqlama vermirdi. Ancaq oktyabrın 20-də Səudiyyə Ərəbistanı rəsmi olaraq, jurnalistin konsulluğun binasında öldürüldüyünü etiraf edib. Kral Salman və vəliəhd şahzadə Məhəmməd bin Salman C. Xaşoginin ailəsinə başsağlığı verib.
ABŞ Mərkəzi Kəşfiyyat İdarəsinin direktoru Cina Haspel Camal Xaşogi ilə bağlı məsələni araşdırmaq üçün oktyabrın 23-də Türkiyəyə səfər edib. O, jurnalistin öldürülməsi ilə bağlı aparılan istintaq işi üzrə bir sıra görüşlər keçirəcək.
