Məmurların ucuz reklam şousu. Baş rolda Fəzail Ağamalı…
Deputat Fəzail Ağamalı qurban bayramı münasibətilə “sovqat” paylayıb.
Bu insanların günahı nədir axı? Bu xalqla məzələnmək deyil, nədir?
Reportyor.info -nın xəbərinə görə, bunu Gələcək Azərbaycan Partiyasının sədr müavini Aslan Həmidli bildirib.
A.Həmidli qeyd edib ki, bu qurban payı, yaxud yardım deyil. Bu sadəcə özünü reklam etməkdir cənablar. İnsanları xəcil etməkdən başqa bir şey deyil bu. Kaş bu sovqatı verməzdilər. O yarım kilo kartof, soğanı öz evinizə aparın. Bu xalqı dolamayın artıq.
Yəni həqiqətən düşünürsünüz ki, etdiyiniz bu hərəkəylə xalqın gözünə girəcəksiz? Ciddən sizlər xalqa maraqlı deyilsiniz. Sizlər təyin olunmuşlarsınız. Sizi bu xalq seçməyib. Fəzail Ağamalı Kamil Müsəvinin necə haqqına girdiyini unutmusanmı?
Bu bayramı siz səhv anlamısınız cənablar, bayram sovqatının şəkilini deyil, kəsilən qurbanın ətin paylamalıydınız…
