Şəfiq Mənzai
“Əl-Cəzirə”
Azərbaycan Respublikasının İranla sərhədindəki Araz çayı vadisində yerləşən Cocuq Mərcanlı kəndində tikinti bumu yaşanır. Ötən ildən məktəblər, idman qurğuları və yeni tikilmiş məscidlə yanaşı, yeni evlər sıralanır. Böyük neft-qaz ehtiyatları olan dövlətin infrastruktur və mənzil layihələri sıradan bir təzahür, Azərbaycan ümumi mənzərəsidir, lakin Cocuq Mərcanlının bərpasını vacib edən yerləşdiyi məkandır.
Kənd Azərbaycan ordusunu erməni separatçılarının işğalı altında olan ərazilərdən ayıran və əvvəllər münaqişə ucbatından yaşayış üçün yararsız məkanda yerləşir.
Ermənilər kənddən bir neçə kilometr məsafədə mövqe tutublar, odur ki, kənddəki yeniləşməni izləyə bilərlər.
Yaxınlığa baxmayaraq, Azərbaycan rəsmiləri bu inkişafın digər tərəfdəki, əksəriyyəti yoxsulluq içində yaşayan ermənilərə göndərilən mesaj olduğunu inkar edirlər. Ancaq onlar simvolizmi qəbul edirlər.
Qonşu Füzuli rayonunun rəhbəri Əli Əliyev “Əl-Cəzirə”yə bildirib: “Əlbəttə, onlar (ermənilər) bizi görə bilərlər. Şübhəsiz, qısqancdırlar”.
Əli Əliyev bölgədəki investisiyaların “xalq üçün” olduğunu iddia edir.
Sözügedən şəxslərdən bəziləri Azərbaycanın 1,2 milyondan çox məcburi köçkün və qaçqın və ya əhalisinin təxminən onda birini təşkil edir.
BMT-nin məlumatına görə, 1988-1994-cü illərdə Dağlıq Qarabağ münaqişəsi zamanı təxminən 860 min nəfərlik yerli əhali ya Ermənistan ərazisindən, ya da Ermənistan qoşunlarının tərəfindən işğal olunmuş və ya Azərbaycan torpaqlarından qaçmaq məcburiyyətində qalıb.
BMT, həmçinin Azərbaycandan qaçqın düşən ermənilərin sayını da açıqlayıb – 360 min nəfər.
Hər iki tərəf mülki vətəndaşları hədəfə almaqda ittiham olunub, lakin itkin düşənlər, köçkün əhali və itirilmiş torpaq payının böyük yükü məhz azərbaycanlıların payına düşür.
ardı var
