Yeni Dünyaya Qapılar Açılır” layihəsinin təqdimatı və KİV üçün brifinq keçirilib. Brifinqdə layihə rəhbəri Pərvanə İsmayılova layihə barədə məlumat verib. O bildirib ki, bir il bundan əvvəl ailəsində yaşadığı stress və faciə onun həyatını 180 dərəcə dəyişib. Güclü xarakter və daxili istəyi ona sınmamağa və üzərinə çökmüş qaraltıdan, həmçinin problemlərdən qaçmağa kömək edib. Özünün dediyi kimi, uçurumun kənarındaykən yeni dünyanı kəşf edib və bununla da həyatını dəyişib, yeni biliklər, kainatın sirrlərini öyrənməyə başlayıb. Dünyaca məşhur psixoloq-təlimçilərdən dərs alan və xüsusi kurslar keçən Pərvanə İsmayılova artıq ona müraciət edənlərə özü də yardımçı olduğunu deyib:
“Düşüncələrimiz həmişə yaşayır, bəs biz necə? Problem nədir və problemlərdən necə qurtulmalıyıq? Travmaları, pis xatirələri, kodları, qurğuları şüurumuzdan necə təmziləyək? Varlı olmağın yolları hansılardır? Gündəlik həyatımızın gərgin, yorucu qayğılarından xilas olmaq mümkün deyil, amma onlara yanaşmaq tərzimizi və bununla da həyatımızı dəyişə bilərik. Bu layihə yeni dünyanın qapılarını açmaq istəyən və eləcə də, Bakı və Bakıdan kənarda yaşayan və problemlərdən qurtularaq rifaha qovuşmaq istəyən insanlar üçün nəzərdə tutulub. İlk dəfə olaraq Azərbaycanda bu sahə üzrə rəsmi olaraq sayt yaradılıb və seminarlardan ibarət səsyazmalar hazırlamışıq. Ümid edirəm ki, bu nəinki sadə insanlara, hətta müxətlif şirkətlərə, təşkilatlara arzuolunan nəticələr əldə etməyə yardımçı olacaq”. Onun sözlərinə görə layihə elmi müddəaları özündə cəmləşdirir.
Brifinqdə layihənin saytı və video çarx da təqdim edilib, ətraflı məlumat verilib.
Qeyd edək ki, videoçarxlar silsilə xarakter daşıyır və hər biri konkret mövzunu özündə əks etdirir. Bundan əlavə, meditasiyalar və afrirmasiyalar üzrə audioyazılar da saytda təqdim ediləcək. Brifinqdən sonra sual-cavab formatında müzakirə aparılıb, media nümayəndələri və tədbirə qatılan psixoloqlar layihəyə münasibətlərini bildiriblər.
Daha ətraflı məlumat almaq və seminarlara qatılmaq istəyənlər www.yenidunya.az saytında qeydiyyatdan keçə və ya +994 51 9000970 nömrəsi ilə əlaqə saxlaya bilərlər. Layihənin tərəfdaşı “Super Kids Club” Uşaq Tədris və İnkişaf Mərkəzidir.
Gülnaz Qənbərli
Gununsesi.info
