Xoşqədəmə etirazlar başladı

Tanınmış jurnalist, teleaparıcı Xoşqədəm Hidayətqızı daha bir qalmaqalı ilə diqqət çəkib.

Aparıcı onunla bağlı sosial şəbəkə yumor tipli paylaşım edən jurnalist Pərviz Hüseynə sərt spzlər yazıb.

Belə ki, o, X.Hidayətqızının efirdən qətlə yetirilən 10 yaşlı Nərminlə bağlı dediklərini paylaşaraq “Tanışlarım “iphone pro max” alarkən mən” şərhini yazıb. Xanım aparıcı isə paylaşıma rəy yazaraq onu təhqir edib: “Pərviz, bilmirəm kimsən, anan, atan kimdir. Bildiyim odur ki, sən bir körpənin ölümünü gülüş obyektinə çevirəcək qədər bir vicdansızsan!

Və bu paylaşımını mən paylaşıb səni insanların ixtiyarına buraxacam. Ananı çək, nə qədər istəyirsən gül. Bir körpə üçün tökülən göz yaşını gülüş obyektinə çevirəcək qədər şərəfini itirdiyin üçün valideynlərini tanımaq istədim və indi onları axtarıram. Sil indi şərhimi”.

Pərviz Hüseyn isə cavabında “Anam artistlik eləmir, Xoşqədəm xanım. Məni təhrik edirsiniz ki, sizə nəsə yazım, məhkəmə predmeti olsun. Amma hamının vicdanı göz qarşısındadır. Allah vicdanı olmayanların bəlasını versin. Bu, mənəmsə, həmçinin də mənim”.

Qeyd edək ki, bundan sonra izləyicilər Xoşqədəm Hidayətqızını jurnalistin anasını məsələyə qatdığı üçün qınayıb. (sfera.az)