Dövlət başçısının dəfələrlə məmurlara хəbərdarlıq etməsinə baхmayaraq, yerli icra hakimiyyəti orqanları öz əməllərindən əl çəkmir. Əksinə soyğunçuluq siyasətlərini günü-gündən artırırlar.
Problemlər məngənəsində boğulan rayonlardan biri də Bərdədir. Vidadi İsayevin 2011-ci ildən icra başçısı təyin edildiyi rayonda sosial-iqtisadi problemlərin sayı yetərincədir, korrupsiya, rüşvətхorluq baş alıb gedir. İcra başçısı isə bunun qarşısını almaq məqsədi ilə heç bir addım atmır.
İcra başçısının rayondakı qanunsuzluqları elə bir həddə çatıb ki, artıq bu faktlar rəsmi dövlət qəzetlərinə belə yol açıb. Reportyor.info saytına rayondan daxil olan son məlumat isə xüsusilə ilgincdir. Mənbənin verdiyi məlumata görə bir neçə gün öncə rayonun Qəhrəmanlar parkının yaxınlığında maraqlı insident yaşanıb. Belə ki, burda icra başçısı Vidadi İsayevin xeyir duası ilə obyekt yeri alan şəxslər tikinti üçün işə başlayıb və 115 ağacı kəsiblər.
Qanunsuz tikintidən xəbər titan rayon hüquq mühafizə orqanları prosesə müdaxilə edib və tikinti dayandırılaraq ərazidə işləyən texnika isə polis şöbəsinə aparılıb. Puluyla ərazi alan şəxslər dərhal icra başçının yaxasından yapışıb məsələni çözməsini istəyiblər.
Mənbənin Reportyor.info-ya bildirdiyinə görə Vidadi İsayev məcbur qalaraq rayon hüquq mühafizə orqanlarından sözügedən qanunsuzluğa göz yummasını xahiş edib.
REPORTYOR.info
Discussion about this post