Suriyanın Afrin rayonundakı Raco strateji cəhətdən vacib yaşayış məntəqəsi Türkiyə Silahlı Qüvvələrinin nəzarəti altına keçib. Türkiyə qoşunları ötən gün Racoya yaxınlaşmışdı.
Səhər saatlarında Afrinin Hamilek ve Ramadiye kəndləri də teroristlərdən təmizlənib. Bunun ardınca Anadolu Agentliyi Raco bölgə mərkəzinin də Türk ordusu tərəfindən nəzarət altına alındığı xəbərini yaydı. Agentliyin son dəqiqə olaraq keçdiyi xəbərdə atışmaların davam etdiyi bilgisi verilib.
Hazırda bölgədə PYD və YPG terrorçuları ilə atışmalar davam edir. Əməliyyat çərçivəsində indiyədək 118 yaşayış məntəqəsi terrorçulardan azad edilib.
“AzPolitika.info” Türkiyə mediasına istinadən xəbər verir ki, Raco bölgəsi tarixi baxımdan da önemli bir yerdir. 1918 -ci ildə Mustafa Kamal Atatatürkün komandanlığı altında olan 7-ci ordunun Afrin bplgəsindəki qərargahı məhz Racoda yerləşib. Bu baxımdan media xəbəri “Türk ordusu 100 il sonra Racoda” başlığı ilə verilib.
Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD və YPG terrorçularına qarşı əməliyyata başlayıb. “Zeytun budağı” adı altında keçirilən əməliyyatlara Türkiyə Hərbi Hava Qüvvələrinin “F-16″ təyyarələri də cəlb olunub.
Türkiyə Silahlı Qüvvələri “Zeytun budağı” əməliyyatı çərçivəsində Afrində ümumilikdə 924 hədəfi məhv edib. Axar.az xəbər verir ki, bu barədə TSQ-nın Baş Qərargahından bildirilib.
Məlumata görə, Afrinin mərkəzi hissəsinə həlledici hücumdan əvvəl strateji əhəmiyyətli iki ərazidən biri sayılan Raconun azad edilməsindən sonra türk ordusunun Cinderes istiqamətində hücumları intensiv xarakter alıb. Cinderesin ətrafı ələ keçirilib və bölgə tamamilə mühasirəyə alınıb.
Qeyd edək ki, Türkiyə Silahlı Qüvvələri və ASO səhər saatlarında Raco bölgəsini terrorçulardan təmizləyib. Raco bölgəsinin terrorçulardan azad edilməsi ilə bağlı görüntülər sosial şəbəkədə yerləşdirilib. Həmin görüntüləri təqdim edirik:
Discussion about this post