Azərbaycan-Ermənistan təmas xəttində bir neçə gündür gedən döyüşlərlə bağlı türk məşhurlar da paylaşım ediblər.
Axşam.az xəbər verir ki, onlar şəhidlərimizə rəhmət diləyib, Azərbaycana dəstək olduqlarını vurğulayıblar.
Aktyor Oktay Kaynarca paylaşımında “Türkiyə daim Azərbaycanın yanındadır” sözlərini yazıb.
Aktrisa Tuvana Türkay isə paylaşımını “Şəhidlərimizə Allahdan rəhmət, yaralılara isə şəfa diləyirəm” sözləri ilə tamamlayın.
Müğənni Ebru Yaşar “Biz bir millət, iki dövlətik. Azərbaycana edilən hücumları qınayıram. Qardaşlarımızın yanındayıq” sözlərini qeyd edib.
Müğənni Mustafa Ceceli isə “Vaxtı gəldi, Allah zəfər nəsib etsin” sözləri ilə dəstək olub.
Aparıcı Seren Serengil “Dostunuz dostumuz, düşməniniz düşmənimizdir. Kədəriniz kədərimiz, sevinciniz sevincimizdir. Xarakterli dost belə olur. İki dövlət, tək millətik. Bizimlə kimsə dava etməsin, etməyə də cəhd etməsin” deyə, yazıb.
Müğənni Alişan “Hər şey Vətən, Qarabağ, cəbhə, qələbə üçün” deyə, vurğulayıb.
