Təyyarə radarlardan itdi, qalıqları tapıldı – Sərnişinlərdən biri sağ qalıb

12 Avqust 2018 - 21:43
143 oxunma

İndoneziyanın şərqində kiçik sərnişin təyyarəsinin qəzaya uğraması nəticəsində səkkiz nəfər həlak olub.

BakuPost xəbər verir ki, bu barədə İndoneziya Nəqliyyat Nazirliyi məlumat yayıb. Bir gün əvvəl təyyarənin Papua əyaləti üzərində radarlardan itməsi barədə məlumat yayılıb. Təyyarənin göyərtəsində iki heyət üzvü və yeddi sərnişin, o cümlədən bir uşaq olub.

PAC750 modelinə məxsus kiçik təyyarə bazar günü səhər saatlarında Papua əyalətinin Oksibil dairəsində aşkar edilib.

İndoneziya Nəqliyyat Nazirliyinin nümayəndəsi Bambanq Ervan bildirib ki, təyyarə avqustun 12-də səhər aşkar edilib, göyərtədəkilərdən səkkizi həlak olub, biri isə sağdır.

Hazırda dairənin axtarış-xilasetmə idarəsi həlak olanların cəsədlərinin təxliyəsini həyata keçirir. Təyyarənin qəzaya uğraması səbəbləri araşdırılır.

Reportyor.info saytının redaksiyası ilə əlaqə:Telefon - 0553490491, Email - reportyor.info@gmail.com



Baş redaktor: Arifə Əliyeva

Reportyor.info saytının redaksiyası ilə əlaqə:
Telefon; +994553490491,
email - reportyor.info@gmail.com

Giriş | Hazırladı "Qurdqanlı Design"