SOCAR kitab köşklərinin quraşdırılmasını dəstəklədi

19 Oktyabr 2019 - 15:47
85 oxunma

Azərbaycan Dövlət Neft Şirkəti (SOCAR) Bakıda “Progress” İctimai Birliyi tərəfindən kitab köşklərinin quraşdırılması təşəbbüsünü mənəvi olaraq dəstəkləyir.

Bir neçə gün öncə Nərimanov rayonunda SOCAR-ın Elmi-Tədqiqat İnstitutunun yanındakı səkidə quraşdırılan kitab köşkünün sökülməsi isə onların özləri tərəfindən həyata keçirilib.

Bunu “Report”a SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov  bildirib.

O qeyd edib ki, “Progress” İctimai Birliyinin bəzi üzvləri SOCAR-ın əməkdaşlarıdır və Birlik üzvləri şəhərin müxtəlif məntəqələrində kitab köşkləri yerləşdirmək təşəbbüsü irəli sürmüşdülər. “Onlar bu işləri öz imkanları ilə həyata keçirirlər.

Bu, çox gözəl təşəbbüsdür və biz bu təşəbbüsü mənəvi olaraq dəstəkləmişik. Onlar SOCAR-dan heç bir maddi dəstək istəməyiblər. Sadəcə olaraq köşk yerləşdirmək istədikləri bəzi ərazilər SOCAR-a məxsus ərazilər olduğu üçün bizdən icazə istəyiblər.

Biz də etiraz etməyərək onlara müsbət cavab vermişik. Lakin sonradan onlara məlum olub ki, həmin ərazilərdə köşkün yerəşdirilməsi üçün başqa qurumlardan da icazə alınmalıdır. Ona görə də onlar özləri köşkü söküblər. Köşkün quraşdırılması və sökülməsi də həmin İctimai Birlik tərəfindən həyata keçirilib”.

Sosial şəbəkədə paylaş

Share to MyWorld
Share to Odnoklassniki
Share to Yandex
Reportyor.info saytının redaksiyası ilə əlaqə:Telefon - 0553490491, Email - reportyor.info@gmail.com



Baş redaktor: Arifə Əliyeva Vahid qızı

Reportyor.info saytının redaksiyası ilə əlaqə:
Telefon; +994553490491, +994706307040
email - reportyor.info@gmail.com

Giriş | Hazırladı "Qurdqanlı Design"