Siyavuş Novruzov Rüstəm İbrahimbəyovun Bakıya gəlməsindən danışdı:“Bu hadisədən nümunə götürmələri lazımdır”

18 Fevral 2019 - 13:27
121 oxunma

“Xaricdə Azərbaycan əleyhinə fəaliyyət göstərənlərin hamısının bu hadisədən nümunə götürmələri lazımdır”.

Reportyor.info bildirir ki, bu fikirləri Yenicag.az-a açıqlamasında yazıçı-dramaturq Rüstəm İbrahimbəyovun ötən həftəsonu Bakıya gəlişinə münasibət bildirən hakim Yeni Azərbaycan Partiyası (YAP) icra katibinin müavini, Milli Məclisin Komitə sədri Siyavuş Novruzov deyib.

Siyavuş Novruzovun sözlərinə görə, Azərbaycan hakimiyyəti öz fəaliyyətində hər zaman humanizm prinsiplərini rəhbər tutub:

“Qeyd edim ki, Azərbaycan hakimiyyəti həm Ümummilli liderimiz Heydər Əliyevin dövründə, həm də cənab prezident İlham Əliyevin fəaliyyəti dönəmində hər zaman humanizm prinsiplərini rəhbər tutub. Ötən dövr ərzində qəbul edilən əfv və amnistiya haqqında çoxsaylı qərarlar buna sübutdur. Rüstəm İbrahimbəyovun Bakıya gəlişi də bu kontekstdə qiymətləndirilməlidir. Bağışlamaq səlahiyyəti uca Allaha və cənab Prezidentə məxsusdur. Konstitusiya dövlət başçısına belə bir səlahiyyət verir. Hesab edirəm ki, xaricdə Azərbaycan əleyhinə fəaliyyət göstərənlərin hamısının bu hadisədən nümunə götürmələri lazımdır”. Xatırladaq ki, Azərbaycan hakimiyyətinə qarşı müxalifətə keçən Rüstəm İbrahimbəyov, 2013-cü il prezident seçkilərində Milli Şuranın vahid namizədi elan edilsə də, ikili vətəndaşlıq səbəbindən seçkilərə qatıla bilməmişdi.

Onun Bakıya səfəri və özünün 80 illik yubileyini paytaxtda təmtəraqla qeyd etməsi yazıçı-dramaturqun Azərbaycan hakimiyyəti ilə arasındakı problemi aradan qaldırdığını göstərir.

Sosial şəbəkədə paylaş

Share to MyWorld
Share to Odnoklassniki
Share to Yandex
Reportyor.info saytının redaksiyası ilə əlaqə:Telefon - 0553490491, Email - reportyor.info@gmail.com



Baş redaktor: Arifə Əliyeva Vahid qızı

Reportyor.info saytının redaksiyası ilə əlaqə:
Telefon; +994553490491, +994706307040
email - reportyor.info@gmail.com

Giriş | Hazırladı "Qurdqanlı Design"