Şəki xan xarayında bədbəxt hadisə baş verib. BakuPost xəbər verir ki, muzeyin həyətindəki iri çinar ağacının iri budaqlarından biri qırılaraq, turistlərin üzərinə düşüb. Bir neçə yaralının olduğu bildirilir.
Hadisə yerinə dərhal FHN və DİN əməkdaşları cəlb olunub. Xəsarət alanalar Şəki Mərkəzi Xəstəxanasına aparılıb.
İlkin məlumata əsasən, Şəki Xan sarayında Xan çinarın budağının qırılması nəticəsində xəsarət alanlardan 5 nəfəri əcnəbi vətəndaşdır.
Ancaq Səhiyyə Nazirliyindən “Report”a verilən məlumata görə, baş vermiş hadisə ilə bağlı ilkin olaraq xəstəxanaya 19 nəfər müraciət edib.
Onlardan ikisi xəstəxanaya yerləşdirilib, digər 17 nəfərin müəyyən hissəsinə ilkin tibbi yardım göstərilib, bir qisminin müalicəsi hazırda davam edir. Paytaxtdan 2 nəfər xəstəxanaya yerləşdirilən şəxsə görə yüksək ixtisaslı mütəxəsislər çağırılıb.
Hadisə Şəki Xan Sarayının həyətində 500-ə yaxın yaşı olan çinar ağacı budağının qırılaraq yerə düşməsi nəticəsində baş verib. İlkin məlumata görə, Ağacın qırılmasına ötən gündən başlayan yağışlı və qeyri-sabit hava şəraitinin səbəb olduğu bildirilir.
Qeyd edək ki, Şəki Xan Sarayının həyətindəki çinar 1532-ci ildə əkilib, hündürlüyü 42 metrdir.
Discussion about this post