Bu gün Almaniyanın paytaxtı Berlində şahmat üzrə İddiaçılar Turnirində X turun görüşləri keçirilib.
Azərbaycanın yarışdakı yeganə təmsilçisi Şəhriyar Məmmədyarov ağ fiqurlarla ABŞ şahmatçısı Fabiano Karuana ilə üz-üzə gəlib. Görüş heç-heçə başa çatıb.
10 turdan sonra F.Karuana 6,5 xalla vahid liderdir. Ş.Məmmədyarov 6 xalla 2-cidir.
* * *10:45
Bu gün Almaniyanın paytaxtı Berlində şahmat üzrə İddiaçılar Turnirində X turun görüşləri keçiriləcək.
Azərbaycanın yarışdakı yeganə təmsilçisi Şəhriyar Məmmədyarov ağ fiqurlarla ABŞ şahmatçısı Fabiano Karuana ilə üz-üzə gələcək. Bu qrossmeysterlər arasında ilk dövrədəki oyunda qalib müəyyənləşməyib.
Bütün görüşlər Bakı vaxtı ilə saat 18:00-da başlayacaq.
Qeyd edək ki, 9 turdan sonra F.Karuana 6 xalla vahid liderdir. Ş.Məmmədyarov 5,5 xalla 2-ci, A.Qrişuk 5 xalla 3-cü pillədə qərarlaşıb. 4 və 5-ci sıralardakı D.Lijen və S.Karyakinin 4,5, 6 və 8-ci yerlərdəki V.Kramnik, L.Aronyan və U.Sonun isə hərəyə 3,5 xalı var.
X tur
Şəhriyar Məmmədyarov (Azərbaycan) – Fabiano Karuana (ABŞ)
Aleksandr Qrişuk (Rusiya) – Sergey Karyakin (Rusiya)
Vladimir Kramnik (Rusiya) – Levon Aronyan (Ermənistan)
Din Lijen (Çin) – Uesli So (ABŞ)
