“Rossiya 24” kanalında Azərbaycan nefti haqqında xüsusi reportaj yayımlanıb – VİDEO

13 Mart 2019 - 21:53
131 oxunma

Rusiyanın “Rossiya 24” kanalında Azərbaycan neft sənayesi haqqında xüsusi reportaj yayımlanıb.

“Report” xəbər verir ki, “Bakı bareli” adlı reportajda Heydər Əliyev adına Neft Emalı Zavodunun modernizasiyası və yenidənqurulması, Azərbaycanda sənaye üsulu ilə ilk neftin hasilatı, II Dünya müharibəsində qələbədə Azərbaycan neftinin rolu, gələn həftə Bakıda keçirilməsi nəzərdə tutulan OPEC və qeyri-OPEC ölkələrinin Müştərək Texniki Komissiyasının və Nazirlərin Birgə Monitorinq Komitəsinin iclası, Azərbaycan Dövlət Neft Şirkətinin (SOCAR) ticarət qolu – “SOCAR Trading”in fəaliyyəti, həmçinin Rusiyanın enerji şirkətləri ilə əlaqələrdən bəhs edilib.

Reportajda Azərbaycan Prezidenti İlham Əliyevin Davosda OPEC+ razılığı ilə bağlı fikirləri də yer alıb.

Azərbaycanın energetika naziri Pərviz Şabhazov OPEC+ çərçivəsində razılaşmadan, Azərbaycanın üzərinə götürdüyü öhdəlikdən, Rusiya şirkətləri ilə əlaqələrdən, SOCAR-ın marketinq və sərmayələr üzrə vitse-prezidenti Elşad Nəsirov şirkətin layihələrindən, SOCAR-ın Marketinq və İqtisadi Əməliyyatlar İdarəsinin rəisi Ədnan Əhmədzadə “SOCAR Trading”in uğurlu fəaliyyətindən, Rusiyanın “LUKoil” şirkətinin rəhbəri Vahid Ələkbərovşirkətin paya sahib olduğu “Şahdəniz” layihəsindən danışıb.

Sosial şəbəkədə paylaş

Share to MyWorld
Share to Odnoklassniki
Share to Yandex
Reportyor.info saytının redaksiyası ilə əlaqə:Telefon - 0553490491, Email - reportyor.info@gmail.com



Baş redaktor: Arifə Əliyeva Vahid qızı

Reportyor.info saytının redaksiyası ilə əlaqə:
Telefon; +994553490491, +994706307040
email - reportyor.info@gmail.com

Giriş | Hazırladı "Qurdqanlı Design"