Rəsmi Tiblisidən Moskvaya açıq xəbərdarlıq:”İşğal sona çatmayanadək diplomatiq əlaqələr olmayacaq”

26 Fevral 2019 - 13:18
51 oxunma

“Gürcüstanın Rusiya ilə diplomatik münasibətləri mövcud deyil və bu əlaqələr Rusiyanın ərazilərimizi işğal altında saxlayanadək də olmayacaq”.

Bunu Gürcüstanın Baş naziri Mamuka Baxtadze hökumət iclasından öncə keçirdiyi brifinqdə bildirib.

O, Abaşidze-Karasin formatında görüşlərin keçirilməsinin gərəkli olub-olmadığını da şərh edib:“Bu format bir neçə il bundan öncə yaradılıb və bunun nə üçün yaradıldığı yadımızdadır. Bu formatın əsasən iqtisadi və humanitar məsələlərlə bağlı istiqamətləri var. Rusiya Gürcüstan ərazilərini işğal altında saxlayana qədər bu ölkə ilə diplomatik münasibətlərimiz olmayacaq. Bu, çox prinsipial məsələdir”.

Qeyd edək ki, Gürcüstan Baş nazirinin Rusiya ilə münasibətlər üzrə nümayəndəsi Zurab Abaşidze və Rusiyanın xarici işlər nazirinin müavini Qriqori Karasin iki ölkə arasında diplomatik münasibətlərin olmadığı şəraitdə 2012-ci ildən etibarən qeyri-rəsmi dialoq aparırlar. Abaşidze-Karasin formatında növbəti görüş fevralın 27-də Praqada keçiriləcək.

Gürcüstan və Rusiya arasında diplomatik münasibətlər 2008-ci ildə kəsilib/Report

Sosial şəbəkədə paylaş

Share to MyWorld
Share to Odnoklassniki
Share to Yandex
Reportyor.info saytının redaksiyası ilə əlaqə:Telefon - 0553490491, Email - reportyor.info@gmail.com



Baş redaktor: Arifə Əliyeva Vahid qızı

Reportyor.info saytının redaksiyası ilə əlaqə:
Telefon; +994553490491, +994706307040
email - reportyor.info@gmail.com

Giriş | Hazırladı "Qurdqanlı Design"