Qüdrət Həsənquliyev: “Çəkməçidən 5 manat alırıq, amma…”

14 Noyabr 2019 - 16:40
91 oxunma

“Vətəndaşların vergiyə inamını artırmaq üçün dəfələrlə Milli Məclisdə məsələ qaldırılıb ki, bu məqsədlə birinci “talpuçkalardan” başlamaq lazımdır. Hamı bilir ki, həmin “talpuçkaları” kim idarə edir”.

Bunu Milli Məclisin bu gün keçriilən iclasında deputat Qüdrət Həsənquliyev Vergilər Məcəlləsinə edilən dəyişikliklərdən danışarkən deyib.

O qeyd edib ki, sözügedən “talpuçka”larda nə qədər vəsait vergidən yayındırılır, sahibkarlardan əlavə pul yığılır:

“Prezident dəfələrlə bildirib ki, sahibkarlar yalnız vergi ödəməlidirlər. İnsanlar görsə ki, həmin yerlərdə vergi nizam-intizamı yaradılıb, sahibkarlar heç bir problemsiz öz vergilərini ödəyəcəklər”. 

Deputat İqtisadiyyat naziri Mikayıl Cabbarova müraciət edərək bildirib ki, Bakının mərkəzi köşklərlə doludur: “Həmin köşklərdə “Reklam haqqında” qanuna zidd olaraq şüşələrin arxasına siqaretlər düzülüb. Məncə bu, xarici turistlər qarşısında ölkəmizin geri qalmışlığının nümunəsidir. Dünyanın heç bir yerində siqaret bu formada reklam olunmur. Siz bunları aradan qaldırsanız, hamı görəcək ki, qanunlar hamı üçün eynidir. İnsanlar bunu görməyincə heç bir səylər nəticə verməyəcək”. 

Q. Həsənquliyev toylardakı sadələşdirilmiş vergi məsələsinə də toxunub: “Məcəllədə qeyd olunub ki, video çəkilişlər edən şəxslər, fotoqraflar 30 manat sadələşdirilmiş vergi verir. Hamımız bilirik ki, elə artistlər var ki, 10-14 min manata toya gedir. 30 manat vergi onlar üçün nə sadələşdirilmiş vergi ola bilər ki? Çəkməçidən 5 manat alırıq, bir toya 10 minə gedəndən 30 manat?! Bu nə dərəcədə ədalətli vergi qoymadır? Hesab edirəm ki, biz qeyd etdiyim məsələlərə bir də baxmalıyıq. Əgər bunlara baxılsa, mən dəyişikliklərə səs verəcəm”

Sosial şəbəkədə paylaş

Share to MyWorld
Share to Odnoklassniki
Share to Yandex
Reportyor.info saytının redaksiyası ilə əlaqə:Telefon - 0553490491, Email - reportyor.info@gmail.com



Baş redaktor: Arifə Əliyeva Vahid qızı

Reportyor.info saytının redaksiyası ilə əlaqə:
Telefon; +994553490491, +994706307040
email - reportyor.info@gmail.com

Giriş | Hazırladı "Qurdqanlı Design"