Ağdam rayonunda baş verən ciddi nöqsanlar barədə yuxarı dairələrdə yetərli məlumatlar mövcuddur. Və RİH başçısı Raqub Məmmədova göstərilən “qapı” da məlumdur. Seçki sonrası yola salınası ilk icra başçısı siyahısında adının olması özünə də sirr deyildir. Elə bunu bilməsi səbəbindən də R.Məmmədov hər vəchlə pul yığımına, idarə və müəssisələrdən seçkiyə yardım adı altında xərac toplaması prosesinə start verib. İlk olaraq rayonun Bakı şəhərindəki orta məktəb direktorları olub. Məlumatlı mənbənin iddiasına görə, artıq bu barədə TŞ müdiri vəzifəsini hələlik icra edən Mətanət Misirxanova məktəb direktorlarına yolüstə olan başçının tapşırığını bildirib. Həmin məktəblərin siyahısını təqdim edirik: 31 saylı, 32 saylı, 33 saylı, 34 saylı, 35 saylı,36 saylı, 38 saylı, 39 saylı, 42 saylı, 88 saylı məktəblər. Bütün bunlarla yanaşı digər məktəblərə də fərqli tapşırıqlar verilibdir. Qeyd edək ki,yuxarıda adları qeyd edilən məktəblərin hər birindən 500-1000 manat arası pul toplanması nəzərdə tutulur. Sadəcə sual meydana çıxır, yəni bu icra başçısı bu qədərmi məsuliyyətsiz adamdır ki,prezidentin adından istifadə etməyin məsuliyyətini dərk etmir?! Yaxud görəsən həqiqətənmi seçkini keçirmək üçün hakimiyyət məcburi köçkünlərin məvaCİBİNƏ göz dikib?!
Qarşı tərəfin mövqeyini dinləməyə hazırıq
Reportyor.info
Discussion about this post