Millət vəkili Qənirə Paşayeva AXC-nin 100-cü ildönümü ilə bağlı tədbirlərdə iştirak etmək üçün Türkiyədən Azərbaycana gələn şəhid ailələri, qazilər və hərbçilər cəmiyyətlərinin nümayəndələri ilə görüş keçirib.
Reportyor.info xəbər verir ki, millət vəkili görüşdə Ermənistanın işğal etdiyi Azərbaycan torpaqlarında törətdiyi vandalizm aktları, Xocalı soyqırımı barədə geniş məlumat verib.
Q.Paşayeva Azərbaycanda fəaliyyət göstərən şəhid ailələri, müharibə əlilləri və müharibə veteranları cəmiyyətləri barədə də danışıb.
Deputat iki ölkənin şəhid ailələri, müharibə əlilləri və qazilər cəmiyyətləri arasında əməkdaşlığın genişlənməsinin önəmindən də söz açıb.
Ölkəmizi çox sevdiklərini deyən qonaqlar Azərbaycan torpaqlarının işğaldan azad edilməsi istiqamətində üzərlərinə düşəni etməyə hazır olduqlarını bildiriblər.
.jpg)
Discussion about this post