Polis İqbal Ağazadə olayını araşdırır

27 Noyabr 2019 - 12:21
70 oxunma

Ümid Partiyasının sədri İqbal Ağazadənin yaşadığı evin elektrik xətti kəsilib.

APA-nın məlumatına görə, bu barədə İqbal Ağazadə facebook səhifəsində yazıb. Artıq ikinci dəfədir yaşadığı evin elektrik xəttinin naməlum şəxs tərəfindən kəsildiyini qeyd edən İ.Ağazadə məsələ ilə bağlı hüquq-mühafizə orqanlarına müraciət edildiyini bildirib: “təxminən ay yarım öncə gecə saatlarında naməlum şəxs tərəfindən evimə gələn əsas elektrik xətti xüsusi alətlə kəsilib, qaz sayğacından evə qaz dolmasını xəbərdar edən xətt sıradan çıxarılıb. Bununla bağlı hüquq-mühafizə orqanlarına şikayət ərizəsi ilə müraciət edərək olayın araşdırılmasını xahiş etdim. Ərizəmə video görüntüləri də əlavə etmişəm. Hadisəni törədən şəxsin kimliyini müəyyən etmək o qədər də çətin deyildi. Lakin ötən müddət ərzində bununla bağlı ciddi bir nəticə əldə edilməyib. Bu gün yenə də gecə saatlarında işıqlarımız söndü. Qonşuların işıqlarının yanması məndə olayın təkrarlandığı qənaəti yaratdı. Mən dərhal küçəyə çıxdım və işığı kəsən adamın qaçdığının şahidi oldum. Uzun təqibdən sonra həmin şəxsi yaxaladım. Əlində xüsusi kəsici alət və özünü müdafiə üçün idman çubuğu var idi. Müqavimət göstərsə də onu saxlamağa müvəffəq oldum. Həmin şəxsi Xətai rayon Polis İdarəsinin 37-ci Polis Şöbəsinə təhvil verdim. Hüquq- mühafizə orqanlarından, xüsusilə də cənab nazir Vilayət Eyvazovdan hadisənin araşdırılması üçün tapşırıq verməsini xahiş edirəm”.

Hadisəyə münasibət bildirən Bakı şəhər Baş Polis İdarəsinin (BŞBPİ) mətbuat xidmətinin rəhbəri Elşad Hacıyev APA-ya açıqlamasında deyib ki, hazırda məsələ ilə bağlı müvafiq araşdırmalar aparılır.

Sosial şəbəkədə paylaş

Share to MyWorld
Share to Odnoklassniki
Share to Yandex
Reportyor.info saytının redaksiyası ilə əlaqə:Telefon - 0553490491, Email - reportyor.info@gmail.com



Baş redaktor: Arifə Əliyeva Vahid qızı

Reportyor.info saytının redaksiyası ilə əlaqə:
Telefon; +994553490491, +994706307040
email - reportyor.info@gmail.com

Giriş | Hazırladı "Qurdqanlı Design"