Avropa Liqasının 2-ci təsnifat mərhələsində mübarizə aparacaq 72 komandadan 70-i məlumdur.
Qol.az xəbər verir ki, onlardan 45-i 1-ci mərhələnin qalibi, 25-i isə mübarizəyə birbaşa 2-ci raunddan başlayacaq komandalardır.
Artıq 70 komandanın püşkatmada hansı səbətdə yer alacağı bəllidir.
Birinci mərhələdə Şimali Makedoniyanın “Şkupi” klubunu məğlub edərək (2:1) 2-ci tura yüksələn təmsilçimiz “Neftçi” səpələnməmişlər səbətində olacaq. Bu isə “ağ-qaralar”ın güclü komandalardan birinə rəqib olacağı deməkdir. Potensial rəqiblər arasında “Tottenhem”, “Milan”, “Qalatasaray”, “Volfsburq” kimi komandalar da var.
Qeyd edək ki, 2-ci təsnifat mərhələsinin püşkü avqustun 31-də atılacaq.
