Sabirabad rayonundan Veteninfo.az-a daxil olan məlumatda qeyd edilir ki, ötən həftə Təhsil Nazirliyinin 12 saylı Sabirabad regional maliyyə hesablama mərkəzinin rəisi Elxan Əsədov Nazir Ceyhun Bayramovun müvafiq əmri ilə vəzifəsindən uzaqlaşdırılıb.Nazirin digər əmri ilə bu mərkəzə rayon İcra Hakimiyyəti başçısı Nazim İsmayılova yaxınlığı ilə tanınan Dövlət Sosial Müdafiə Fondunun Sabirabad rayon şöbəsinin baş mühasibi Üzeyir Qasımov təyin olunub.Məlumata görə, 2016-cı ilin əvvəlindən fəaliyyət göstərən bu mərkəz Sabirabad, Saatlı, İmişli, və Beyləqan rayonlarını əhatə edir. Yaradılan gündən etibarən, yəni 3 ilə yaxın bu mərkəzə rəhbərlik edən Əsədov Elxan Balaxan oğlunun vəzifəsindən uzaqlaşdırılması daxil olan xəbərə görə Sabirabad təhsil ictimaiyyətinin, və rayon ziyalılarının dərin razılığına səbəb olub.
Məlumatda o da qeyd edilir ki, lakin sonradan eşidilən xəbər hərkəsi şoka salıb.Belə ki,işdə yol verdiyi ciddi nöqsanlarına görə mərkəzin rəisi vəzifəsindən qovulan Əsədov Elxan Balaxan oğlu həmin mərkəzin Sabirabad rayonu üzrə kordinatoru vəzifəsinə təyin olunub. Bu gün Sabirabad camaatı təəccüb içindədir. “Necə olur ki bu gün mühasibat ixtisasını bitirən onlarla, yüzlərlə gənclərimiz işsiz qalıb, amma yaşı 67 olan, güya qiyabi yolla Rusiya humatinar inistitunun Bakı filialında dırnaq arası təhsil alan, BHC691766 nömrəli saxta bir diplomu ələ keçirən bu adam, rəisi vəzifəsindən qovulduğu idarədə kordinator təyin olunur ?.”-deyə qeyd edilən xəbərdə o da vurğulanır ki,bu adam mərkəzin rəisi olduğu dövrdə dəfələrlə törətdiyi qanunsuz əməllər barədə aidiyyatı orqanlara müraciətlər olunub..”Çox maraqlıdır onu bu işə kim və hansı əsasla təyin edib ? Mərkəz rəisi Üzeyir Qasımov buna necə razılıq verib ? Bu gün Sabirabaddakı bu hərki-hərkilik insanların mənəviyyatında aşınma yaradıb. Bu nə deməkdir? Yeni kadr islahatı. Biz hara gedirik? “.
Discussion about this post