Reportyor
  • Manşet
  • Siyasət
  • Rəsmi
  • Gündəm
  • Sosial
  • Dünya
  • Cəmiyyət
  • Əyalət
  • Kriminal
  • SEÇMƏ
  • İdman
  • Şou
Reportyor
  • Manşet
  • Siyasət
  • Rəsmi
  • Gündəm
  • Sosial
  • Dünya
  • Cəmiyyət
  • Əyalət
  • Kriminal
  • SEÇMƏ
  • İdman
  • Şou
Nəticə yoxdur
Bütün nəticələrə bax
Reportyor
Nəticə yoxdur
Bütün nəticələrə bax
Əsas səhifə Sosial

”Məni ailəli bir kişiyə 300 manata satdılar…” – ÜRƏKPARÇALAYAN FOTOLAR – VİDEO

2019-02-05
in Sosial
0
”Məni ailəli bir kişiyə 300 manata satdılar…” – ÜRƏKPARÇALAYAN FOTOLAR – VİDEO
9
Paylaşılıb
20
Oxunub
Facebook-da paylaş"Twitter"-də paylaş

Xərçəngə yoluxmuş qadın: ”Övladıma bir şərait yaradın, ona sahib çıxın”

“Mən valideynlərimin belə istəməyib atdığı bir insanam. Analığımın, atalığımın, hətta həyat yoldaşımın məni sevməməsini anlayıram. İndi ölürəm, ancaq övladımın mənim taleyimi yaşamasını istəmirəm”.

Bənzər Yazılar

Pandemiyanın bitəcəyi tarix açıqlandı

19 saylı Ərazi Məşğulluq Mərkəzi müdirindən Prezidentə – Şikayət

Dilavər Əzimlinin xanımından FHN-nin xəstəxanasına – İttihamlar

39 yaşlı Nazilə Musayeva belə deyir. O, həm onkoloji xəstəlikdən, həm də “Hepatit C” virusundan əziyyət çəkir. Gözünün biri isə görmür. Deyir, üç ən ağır problemi olmasına baxmayaraq, dövlətdən bunlara görə bir qəpik də almır.

“Analığım məndən utanırdı”

Nazilə Musayevanın valideynləri uşaq vaxtı onu internat evinə qoyublar. Nazilə nə anasını, nə atasını xatırlayır. Deyir, körpə olanda onu İmişlinin Nurulu kəndindən olan bir ailə övladlığa götürüb. Ailənin uşağı olmurmuş. Naziləni götürəndən sonra onun sol gözünün anadangəlmə görmədiyini biliblər. Buna görə onu övlad kimi qəbullana bilməyiblər:

 

“Analığım məndən utanırdı. Deyirdi, neyləyirəm kor qızı. Həmişə “səni dünyaya gətirən belə sevməyib, istəməyib, mən niyə bağrıma basmalıyam?” – deyirdi. Heç nələrinin onlardan sonra mənə qalmasını istəmirdilər”.

“Mənə paltar almırdılar, məktəbə göndərmirdilər”

N.Musayeva deyir ki, heç vaxt ev-eşikdə, varda-dövlətdə gözü olmayıb. Tək ehtiyacı sevgi olub, onu da heç kimdən görməyib:

“Məni heç vaxt övlad kimi görə bilmədilər. Nökər kimi istifadə edildim. Tövlə təmizlətdirir, iş gördürürdülər, həyət süpürüb, mal-heyvanı otarırdım. Bir sözlə, ən ağır işləri mən görürdüm. Vaxtım qalanda isə gedib qonşuların işlərinə kömək edirdim. Ancaq yenə döyülürdüm, yarına bilmirdim, söyülürdüm, təhqir olunurdum. Elə olurdu ki, günlərlə yemək vermir, tövləyə həbs edirdilər. Mənə paltar almır, məktəbə göndərmirdilər. Beləcə yarıac-yarıtox böyüdüm”.

“Hamiləlikdə də, övladım körpə olanda da yeməkxanalarda qab yudum, süpürgəçilik etdim”

N.Musayeva deyir ki, ögey valideynləri ona baxanda yaşlı olublar. Nə də olsa, illərlə övladları olmayıb. Elə buna görə də heç nələrinin ona qalmasını istəməyiblər:

“Ömürlərinin sonuna az qalmış məni tələm-tələsik ailəli bir kişiyə 300 manat pul qarşılığında satdılar. Özümdən çox böyük idi. Əslən ucarlıydı, amma Bərdədən olan bir qadınla ailə həyatı qurmuşdu. Pulu ödədi, məni götürdü, getdik Bakıya. Bundan sonrakı həyatım da çox ağır oldu.

Hamiləlikdə də, övladım körpə olanda da yeməkxanalarda qab yudum, süpürgəçilik etdim. Bununla belə, qazandığım pulu da tutub əlimdən alırdılar.

Evə tanımadığım kişilərlə gəlirdi. Səsimi çıxaranda da məni tutub döyürdü. Üz-gözümdə yeri qalırdı. İşə gedəndə utandığımdan üzümü gizlədirdim”.

“İşləyir, pulumu həyat yoldaşıma verirdim”

Bütün bunlardan bezən Nazilə bir gün səhər tezdən uşağını da götürüb İmişliyə, ögey valideynlərinin yanına qaçıb. Onlara yalvarıb-yaxarıb ki, geri göndərməsinlər, yanlarında yaşasın. Bunun qarşılığında hər işlərini görməyə hazır olduğunu söyləyib. Ancaq faydası olmayıb, ona qulaq asmayıblar. Həyat yoldaşına zəng edib “gəl, ailəni apar”, – deyiblər.

Nazilə deyir ki, bu hadisədən sonra ögey valideynləri bir-birinin ardınca ölüblər. Ev-eşik, nələri var, hamısını atalığı qardaşı oğluna bağışlayıb:

“Mən isə yenidən Bakıda idim. Kirayə qalırdıq, yenə işləyir, pulumu həyat yoldaşıma verirdim. Bir gün mənə dedi ki, sənə Bərdədən yaxşı həkim tapmışam, aparacağam yanına. Məni də, uşağı da maşına mindirib gətirdi Bərdəyə. Küçədə dedi ki, siz burada gözləyin, siqaret alıb gəlirəm. O gedən getdi, daha onu görmədim. Qaldım tanımadığım bir rayonun küçələrində tək. Günlərlə oğlumla bərabər parklarda, skamyalarda gecələdim. Sonra yaxşı insanlar mənə kömək etdi. Sağ olsun, Xəyyam adlı şəxs mənə iş də tapdı”.

“Məlum oldu ki, uşaqlığımda xərçəng yaranıb”

N.Musayeva deyir ki, hardasa 1 ildən çox ayda 123 manatlıq maaş qarşılığında Bərdə küçələrini süpürüb. Amma bu pul ona və oğluna yaşamaq üçün ev tutmağa yetməyib. Odur ki, 1 ilə yaxın küçələrdə gecələyiblər:

“Nə olsun rayondu, ən pis şəraitdə olan kirayə evin aylığı 150-200 manatdır. Mənim maaşım isə 123 manat idi. Mən bu pulu yeməyimizə güclə çatdırırdım. İnanın, heç normal geyimimiz də yoxdur. Elə gördüyünüz kimi, nə var əynimizdədir. Nə isə süpürgəçi işlədiyim vaxtlar küçələrdə qalmaqdan, soyuqdan məndə qadın xəstəliyi yarandı, qanaxmalarım olurdu. Ancaq mən buna məhəl qoymurdum, küçə süpürürdüm. Zamanla qanaxmalar intensivləşdi. Mənim isə həkimə getməyə pulum olmurdu. İş yerimdən 100 manat istədim. Günlərlə getdim-gəldim. Çox yalvar-yaxardan sonra verdilər. Həkimə getdim. Məlum oldu ki, uşaqlığımda xərçəng yaranıb. Həkim dedi ki, problem əvvəl belə ciddi olmayıb. Sadəcə mən üstünə düşməmişəm, aylarla xəstə vəziyyətdə işləyib, şəraitsiz yerlərdə yatmışam. Nəticədə xərçəngə çevirib. Eyni zamanda, qanımda da “Hepatit C” tapıldı”.

“Həkimlər deyirlər ki, bu ildən çıxmayacağam”

Bütün bunlara baxmayaraq, o, pensiya, dövlətdən hər hansı yardım almır. Daha işləyə də bilmir. Deyir, xəstəliklər o qədər üstələyib ki, ayaq üstə zorla dayanır:

“Sağ olsun, bir xeyirxah adam bizə ev tutub, kirayə haqqını özü verir, 2 aydır orada yaşayırıq. Ancaq indi də yeməyə çörək tapmırıq, axı işləmirəm. Yaxşı insanlar arada gətirib yavan çörək, nə bilim nələrsə verməsələr, bu evin içində acından ölərik. Övladım da görürsünüz, kiçikdir. Gələn il məktəbə getməlidir. Ölməsəm, sağ qalsam, məktəbə göndərəcəm. Ancaq çətin ki, sağ qalam. Həkimlər deyirlər ki, bu ildən çıxmayacağam. Yazıq balam, hiss edir. O gün deyirdi ki, ana, Allah eləməsin, sənə nəsə olsun, olsa tək qalaram, məni də sənin kimi internata verərlər, kimsəsiz olaram. Ürəyim dağlanır. Nolar, dövlət mənə kömək etsin, məni müalicə etdirsinlər. Heç nəyə görə yox, elə övladımın xatirinə bizə sahib çıxsınlar”.

“Nolar, bizə sahib çıxın”

Nazilə Musayeva vəziyyəti ilə bağlı dəfələrlə Bərdə Rayon İcra Hakimiyyətinə, Prezident Administrasiyasına, Heydər Əliyev Fonduna, vitse-prezident Mehriban Əliyevaya məktublar yazıb. Hələlik, ona kömək edən olmayıb:

“Qalmışam kimsəsiz, tək. Deyirlər e, alnına tək olmaq yazılıbsa, sənin taleyini heç nə dəyişə bilməz. Valideynlərinin istəmədiyi adamam mən. Atıblar. İndi mən durub analığımdan, atalığımdan necə inciyim ki, niyə məni sevmədiniz. Yaxud həyat yoldaşımdan nə gözləyim? Heç kimdən incimirəm. Tək istəyim var, ya mənə kömək edin, müalicə olunum, ölməyim, uşağıma sahib çıxım. Ya da övladıma bir şərait yaradın, ona sahib çıxın”.

 

Oxunub: 57

Paylaş9TweetYollaYollaPaylaşQR oxut
Bizim Video
Əvvəlki yazı

Tbilisi meriyası:"Azərbaycanlıların etiraz aksiyasına qadağa qoyulmayıb"

Sonrakı yazı

“Qaçqınkom” sədrinin 180 minlik avtomobil almasına vətəndaşlar nə deyir? – VİDEOSORĞU

Sonrakı yazı
“Qaçqınkom” sədrinin 180 minlik avtomobil almasına vətəndaşlar nə deyir? – VİDEOSORĞU

“Qaçqınkom” sədrinin 180 minlik avtomobil almasına vətəndaşlar nə deyir? – VİDEOSORĞU

Nazirlik, komitə, məhkəmələr… –Bu dövlət qurumlarında vakant vəzifələr var + SİYAHI

Nazirlik, komitə, məhkəmələr… –Bu dövlət qurumlarında vakant vəzifələr var + SİYAHI

“Zülmə son qoyun” – haqqı tapdanan sahibkar aclığa başladı – Fotolar

“Zülmə son qoyun” - haqqı tapdanan sahibkar aclığa başladı - Fotolar

Discussion about this post

Bizə Qoşulun

  • 21.1k Üzvs
  • 11.9k Abunəs
  • 1.2k Abunəs

Son Xəbərlər

Həbsdə olan qazi azadlığa buraxıldı

Həbsdə olan qazi azadlığa buraxıldı

2021-03-05
Leyla Abdullayeva Ermənistan XİN-ə cavab verdi

Leyla Abdullayeva Ermənistan XİN-ə cavab verdi

2021-03-05
Mehriban Əliyeva YAP sədrinin birinci müavini təyin olundu

Mehriban Əliyeva YAP sədrinin birinci müavini təyin olundu

2021-03-05
Pandemiyanın bitəcəyi tarix açıqlandı

Pandemiyanın bitəcəyi tarix açıqlandı

2021-03-05
İlqar Məmmədov YAP-dakı dəyişikliklərdən danışdı: “Bizdən öyrənirlər“

İlqar Məmmədov YAP-dakı dəyişikliklərdən danışdı: “Bizdən öyrənirlər“

2021-03-05
Ermənistan Avroviziya Mahnı Müsabiqəsində iştirak etməyəcək

Ermənistan Avroviziya Mahnı Müsabiqəsində iştirak etməyəcək

2021-03-05
Mübariz Mənsimova 5 il şərti cəza kəsildi

Mübariz Mənsimova 5 il şərti cəza kəsildi

2021-03-05
Bakıda güclü külək əsəcək (XƏBƏRDARLIQ)

Bakıda güclü külək əsəcək (XƏBƏRDARLIQ)

2021-03-05
Bəzi icra başçıları YAP-dakı vəzifələrini itirdi (ADLAR)

Bəzi icra başçıları YAP-dakı vəzifələrini itirdi (ADLAR)

2021-03-05
Prezident: “Heç vaxt bizi tam qane etməyən razılaşma ilə barışmayacağıq”

Prezident: “Heç vaxt bizi tam qane etməyən razılaşma ilə barışmayacağıq”

2021-03-05
Əli Əhmədov yenidən YAP-ın sədr müavini oldu

Əli Əhmədov yenidən YAP-ın sədr müavini oldu

2021-03-05
Şənbə gününün havası açıqlandı

Şənbə gününün havası açıqlandı

2021-03-05
ÜST pandemiyanın bitəcəyi tarixi AÇIQLADI

ÜST pandemiyanın bitəcəyi tarixi AÇIQLADI

2021-03-05
Bu şəxslər YAP-ın İdarə Heyətindən çıxarıldı

Bu şəxslər YAP-ın İdarə Heyətindən çıxarıldı

2021-03-05
Bahar Muradova YAP Qadınlar Şurasının sədri oldu

Bahar Muradova YAP Qadınlar Şurasının sədri oldu

2021-03-05
İlham Əliyev YAP-ın sədri seçildi

İlham Əliyev YAP-ın sədri seçildi

2021-03-05
Arif Rəhimzadə YAP Veteranlar Şurasının sədri seçildi

Arif Rəhimzadə YAP Veteranlar Şurasının sədri seçildi

2021-03-05
YAP Siyasi Şurası ləğv olundu

YAP Siyasi Şurası ləğv olundu

2021-03-05
19 saylı Ərazi Məşğulluq Mərkəzi müdirindən Prezidentə – Şikayət

19 saylı Ərazi Məşğulluq Mərkəzi müdirindən Prezidentə – Şikayət

2021-03-05
Mübariz Mənsimovun məhkəməsi BAŞLADI

Mübariz Mənsimovun məhkəməsi BAŞLADI

2021-03-05

Seçmə

  • Bütün
  • SEÇMƏ
Bahar Muradova YAP Qadınlar Şurasının sədri oldu
SEÇMƏ

Bahar Muradova YAP Qadınlar Şurasının sədri oldu

2021-03-05
Vasif Talıbov qurultaya maskasız gəldi – Foto
Banner

Vasif Talıbov qurultaya maskasız gəldi – Foto

2021-03-05
Bahar Muradovanın şübhəli tenderləri – Yeni yaranmış şirkətlə 200 minlik müqavilə
Araşdırma

Bahar Muradovanın şübhəli tenderləri – Yeni yaranmış şirkətlə 200 minlik müqavilə

2021-03-05
Korrupsiya faktları YAP-ın nüfuzuna xələl gətirib – MDHP sədri
SEÇMƏ

Korrupsiya faktları YAP-ın nüfuzuna xələl gətirib – MDHP sədri

2021-03-04
REAL funksioneri Abel Məhərrəmova multfilm dedi
SEÇMƏ

REAL funksioneri Abel Məhərrəmova multfilm dedi

2021-03-04
Erməni KİV: Xocavəndin əkin sahələrinin yarısı Azərbaycandadır
SEÇMƏ

Erməni KİV: Xocavəndin əkin sahələrinin yarısı Azərbaycandadır

2021-03-04
Reportyor

Baş redaktor: Arifə Əliyeva Vahid qızı
Reportyor.info saytının redaksiyası ilə əlaqə:
Telefon - (99477) 399-55-66

Votsap - (99455) 3490491

Email - reportyor.info@gmail.com

Follow Us

Kateqoriyalar

  • Araşdırma
  • Banner
  • Cəmiyyət
  • Dünya
  • Gündəm
  • İdman
  • Idman
  • Köşə
  • Kriminal
  • Manşet
  • Rəsmi
  • SEÇMƏ
  • Siyasət
  • Sosial
  • Şou
  • Təhsil
  • Uncategorized
  • Əyalət

Son əlavələr

Həbsdə olan qazi azadlığa buraxıldı

Həbsdə olan qazi azadlığa buraxıldı

2021-03-05
Leyla Abdullayeva Ermənistan XİN-ə cavab verdi

Leyla Abdullayeva Ermənistan XİN-ə cavab verdi

2021-03-05
  • About
  • Advertise
  • Privacy & Policy
  • Contact

© 2020 Qurdqanli Design.

© 2020 Qurdqanli Design.