Daxili işlər naziri Vilayət Eyvazova Hörmətli daxili işlər nazirimiz Vilayət Eyvazova mətbuat vasitəsi ilə müraciət etmək qərarına gəldim. Sizi narahat edən ahıl yaşında yurdundan, yuvasından didərgin düşən məciburi köçkün, qaçqın həyatı yaşayanlarıq.
“1993-cü ildən 11 nəfərlik ailəmizlə Bakıda Xətai rayonu ərazisində Duzlu göl sanatoriyasında məskunlaşmışıq. Bakıda məskunlaşandan daim dövlətimizin qayğısıyla əhatə olunmuşuq. Xüsusi ilə Daxili İşlər Nazirliyinin rəhbərliyindən daim nəzakət, diqqət görmüşük”.
Reportyor.info məlumat verir ki, bu sözləri Daxili İşlər naziri Vilayət Eyvazova müraciətində məcburi köçkün ailəsi Məmmədov İxtiyar Mustafa oğlu və Cəfərova Gülqədəm Osman qızı yazıblar.
Onların müraciətində deyilir: “Çox hörmətli sabiq daxili işlər nazir Ramil Usubovun bir dəfə qəbulunda olmuşduq və problemimizin həllinə dərhal göstəriş vermişdi. Cənab nazir, bu gün şəxsən sizinlə görüşməyimizə zərurət yaranıb.
Təsəvvür edin, Yeni il öncəsi bizi qəbul edib, problemimizin həllinə göstəriş versəniz qaçqın, köçkün ailəsinə cənab Prezidentimiz İlham Əliyev və 1-ci vitse Prezidentimiz Mehriban xanım kimi sevinc bəxş etmiş olarsınız. Məcburi köçkün olaraq xanımımla sizdən səbirsizliklə müsbət cavab gözləyirik”. (055) 480-75-27
Discussion about this post